Thursday, February 26, 2009

Migrants workers news in Mae Sot

မဲဆောက်မြန်မာအလုပ်သမား ၃၀၀နီးပါး လက်မှတ်လိမ်မထိုး၍ အလုပ်ဖြုတ်ခံရ


NEJ /
၂၅ ဖေဖော်ဝါရီ ၂၀၀၉

မဲဆောက်ရှိ ဟန်ထိုင်း သိုးမွေးအထည်ချုပ်စက်ရုံတွင် လုပ်ကိုင်နေသည့် မြန်မာအလုပ်သမား တစ်ထောင်ခန့်အား လုပ်ငန်းခွင်အတွင်း လုပ်အားခနှင့် အလုပ်သမားအခွင့်အရေးများ အပြည့်အ၀ရရှိသည့် အကြောင်းကို စာချုပ်စာတမ်းဖြင့် လိမ်လည်လှည့်ဖြား၍ လက်မှတ်ထိုးခိုင်းခြင်းကို ကန့်ကွက်ခဲ့သည့် မြန်မာအလုပ်သမား (၂၉၃) ဦးကို ယမန်နေ့က အကြောင်းမဲ့ အလုပ်ဖြုတ်လိုက်သည်။


ထိုကိစ္စနှင့် ပတ်သက်၍ မဲဆောက်မြို့ရှိ ထိုင်းအလုပ်သမား အခွင့်အရေးကာကွယ်ရေးရုံးတွင် မြန်မာအလုပ်သမား များက အရေးဆိုတိုင်ကြားသောကြောင့် အလုပ်ရှင်နှင့် အလုပ်သမား အခြေအနေမှာ တင်းမာလျက်ရှိသည်။

မဲဆောက်မြို့ပြင် မဲကုကျေးရွာအမှတ် (၆၀၈) ရပ်ကွက်(၇) တွင် တည်ရှိသည့် HANG THAI KNITTING INDUSTRIAL.CO.LTD စက်ရုံတွင် အလုပ်သမားအခွင့်အရေး တောင်းဆိုသည့်အတွက် မိမိတို့အား အလုပ်ဖြုတ် လိုက်ခြင်းဖြစ်သည်ဟု အလုပ်ဖြုတ်ခံရသူ မရီရီခိုင်က အခုလို လာပြီး အရေးဆိုရတာကတော့ ဟန်ထိုင်းစက်ရုံမှာ ကျမအလုပ်လုပ်ခဲ့တာ (၉၇) ကနေ အခုဆိုရင် ဆယ်နှစ်ကျော်ပြီ။ အလုပ်စ၀င်ချိန်မှာ လျှောက်လွှာတင်ခဲ့ရတယ်။ ဒီစာချုပ်ကို မချုပ်ခဲ့ရဘူး။ ပြီးခဲ့တဲ့နှစ် (၁၁) လပိုင်းကမှ စာချုပ်အသစ်ချုပ်ခိုင်းတဲ့ အတွက် ကျမတို့ မချုပ်ခဲ့ဘူး။ ဒီစာချုပ်ပါ နံပတ် (၅) အချက်က အလုပ်သမား အသစ်စမ်းသပ်ရက်ကို (၁၁၉) ရက် သတ်မှတ်တယ်။ ကျမတို့က အလုပ်သမား အဟောင်းဖြစ်တဲ့အတွက် ကျမတို့နဲ့မဆိုင်လို့ အဲ့ဒါကို လက်မှတ်မထိုး နိုင်ဘူး။ စာချုပ် နံပတ်(၁၀) မှာလည်း အပြစ်မရှိတဲ့ အလုပ်သမားကို အလုပ်ထုတ်လိုပါက တလကြိုတင် အကြောင်းကြားဖို့ဆိုတာ ပါတယ်။ အခုကြတော့ ကြိုတင် အကြောင်းကြားခြင်းမရှိပဲ မနေ့ကအလုပ်သမား (၂၉၃) ဦးကို အကြောင်းမဲ့ အလုပ်ဖြုတ် လိုက်တယ်။ ဒါကြောင့် အခုလိုလာပြီး အရေးဆိုတိုင်ကြားရတာပါ" ဟု ပြောသည်။

အလုပ်သမားတဦးဖြစ်သူ ဇော်မင်းသိန်းကလည်း ကျနော်တို့ကို အလုပ်ဖြုတ်တာကို စက်ရုံထဲမှာ စာကပ်ထားတယ်။ စက်ရုံ မန်နေဂျာတဦးဖြစ်တဲ့ ဖိပရာချာက မင်းတို့ရမယ့် နောက်ဆုံး လစာကို ပေးမယ်။ အခြားဘာနစ်နာကြေးမှ မပေးနိုင်ဘူး။ တိုင်ချင်ရာတိုင်လို့ရတယ်လို့ ပြောတယ်" ဟုပြောသည်။

မြန်မာအလုပ်အရေး လိုက်လံကူညီဆောင်ရွက်ပေးသည့် မြန်မာနိုင်ငံ အလုပ်သမား သွေးစည်းညီညွတ်ရေးအဖွဲ့ BLSO တာဝန်ခံကိုသံဒုတ်က မနှစ် နိုဝင်ဘာ (၁၇) ရက်နေ့ အလုပ်သမားဌားရမ်း စာချုပ်မှာ စက်ရုံမန်နေဂျာက အလုပ်သမားတွေကို လက်မှတ် ထိုးခိုင်းတာရှိတယ်။ ဒီစက်ရုံမှာ အလုပ်သမားအခွင့်အရေးနဲ့ ရပိုင်ခွင့် အပြည့်အ၀ ပေးပါတယ်ဆိုပြီးတော့ အတင်းအကြပ် လက်မှတ်ထိုးခိုင်းခဲ့တာရှိတယ်။ တကယ်တမ်းကြတော့ ဒီစက်ရုံက အလုပ်သမားတွေကို တစ်နေ့ (၁၁) နာရီခိုင်းတယ်။ အချိန်ပိုကြေးလည်း မပေးဘူး။ ပိတ်ရက်တလမှာ တရက်ပဲပေးတယ်။ အလုပ်သမားတွေက သည်းမခံနိုင်တဲ့အခါမှာ ဒီစာချုပ်ကို လက်မှတ် မထိုးပေးနိုင်ဘူးဆိုတာကို မနှစ်က နိုဝင်ဘာ (၁၇) ရက်နေ့မှာ ငြင်းဆန်လိုက်တယ်။ စာချုပ်ပါ အချက်တချက်က လက်မှတ်ထိုးပြီးတာနဲ့ အလုပ်သမားတွေဟာ အလုပ်သမားအသစ် ပြန်ဖြစ်သွားနိုင်တဲ့ အချက်ပါတယ်။ ဟန်ထိုင်း စက်ရုံမှာရှိတဲ့ အလုပ်သမားတွေဟာ လုပ်သက် (၅) နှစ်ကျော် (၁၀) ကျော်ရှိတဲ့ လူတွေဖြစ်တယ်။ လူသစ်ပြန်ဖြစ်သွားတာနဲ့ တပြိုင်နက်သူတို့ရဲ့ အလုပ်သမားအခွင့်အရေး၊ နစ်နာကြေးတွေ ဆုံးရှုံးသွားမှာဖြစ်တယ်။ ဒါကြောင့်အလုပ်သမား တွေက လက်မှတ်မထိုးဘဲ ဆန့်ကျင်ခဲ့ကြတာဖြစ်တယ်။ အလုပ်သမားတွေရဲ့ တောင်းဆိုချက်အရ နောက်ဆုံးမှာ ဇန်န၀ါရီလ (၂၇) ရက်နေ့မှာ အလုပ်သမား အခွင့်အရေးတွေကို ပေးပါ့မယ်ဆိုပြီး မဲဆောက်မှာရှိတဲ့ အလုပ်သမား အခွင့်အရေးကာကွယ်ရေးရုံးမှာ လက်မှတ်ထိုးခဲ့ကြတဲ့အဆင့်ကို ရောက်ခဲ့ကြတယ်။ ဒါပေမယ့် အခွင့်အရေး တောင်းဆိုခဲ့တဲ့ မြန်မာအလုပ်သမား (၂၉၃) ဦးကိုတော့ အလုပ်ရှင်က မနေ့က အလုပ်ဖြုတ်ပစ်လိုက်တယ်" ဟု ပြောသည်။

၎င်းက အလုပ်ဖြုတ်လိုက်တဲ့ စာထဲမှာ ရေးထားတာက အလုပ်လုပ်ရာမှာ စံချိန်စံညွှန်းမမှီလို့၊ အရည်အချင်းမရှိ လို့ဆိုပြီး ပြောတယ်။ ဒါကြောင့် အလုပ်သမားတွေရဲ့ ရသင့်ရထိုက်တဲ့ သူတို့ရဲ့ နစ်နာကြေးတွေ ရှိတယ်။ (၁၀) နှစ် ကျော်ကြာတဲ့ အလုပ်သမားဆိုရင် သူ့ရပိုင်ခွင့်က (၈) လစာလောက်ရတယ်။ ဒီအလုပ်သမားတွေကို ခံစားခွင့် မပေးချင်တဲ့အတွက် ဥပဒေမဲ့ အကြောင်းမဲ့ မနေ့က အလုပ်ဖြုတ်လိုက်တာ ဖြစ်တယ်။ အလုပ်သမားတွေရရှိသင့်တဲ့ အခွင့်အရေးတွေရဖို့ ကျနော်တို့ တတ်နိုင်တဲ့ဖက်ကနေ ဥပဒေနဲ့အညီ ပံ့ပိုးကူညီ ပေးသွားမှာဖြစ်တယ်" ဟုပြောသည်။

ယခုဖြစ်ရပ်နှင့် ပတ်သက်၍ ဟန်ထိုင်းသိုးမွေး အထည်ချုပ်စက်ရုံ၏ မန်နေဂျာတဦးဖြစ်သူ နိုင်ပရာချာထံသို့ စက်ရုံဖုန်းနံပတ် (၀၅၅-၅၅၁၂၀၈) သို့ ခေတ်ပြိုင်မှဆက်သွယ်မေးမြန်းရာ ပြန်လည်ဖြေကြားရန် ငြင်းဆိုပြီး ဖုန်းချသွားသည်။

အလုပ်ဖြုတ်ခံရသည့် မြန်မာအလုပ်သမားများက မိမိတို့ နစ်နာကြေးရရှိရေးအတွက် အလုပ်သမားအခွင့်အရေး၊ ကာကွယ်ရေးရုံးမှ တဆင့် ဥပဒေကြောင်းအရ အရေးဆိုသွားမည်ဟု ပြောသည်။

မဲဆောက်ဒေသအတွင်း အလုပ်ရုံ၊ စက်ရုံပေါင်း (၂၀၀) ခန့်ရှိပြီး မြန်မာအလုပ်သမား (၁) သိန်း ခန့် အလုပ်လုပ် ကိုင်လျက်ရှိသည်ဟု ထိုင်းအခြေစိုက် အစိုးရမဟုတ်သော အဖွဲ့အစည်းများ၏ စစ်တမ်းများအရသိရသည်။

Saturday, February 21, 2009

ဂီတစာဆိုကြီး ၃ ဦး နှစ် ၁၀၀ ပြည့်ပြီ။

ဂီတစာဆိုကြီး ဦး နှစ် ၁၀၀ ပြည့်ပြီ

Friday, 20 February 2009 16:53 ဇာနည်ဝင်း (ဧရာဝတီ)

ဂန္ထ၀င်မြောက် ဂီတစာဆိုကြီးများ ဖြစ်သည့် ရွှေတိုင်ညွန့်၊ ရွှေပြည်အေး၊ မြို့မငြိမ်းတို့၏ ယခုနှစ်တွင် ကျရောက်သည့် နှစ်တရာပြည့် အထိမ်းအမှတ် စာတမ်း ဖတ်ပွဲကြီးကို ရန်ကုန်တွင် ပြုလုပ်မည်ဟု သိရသည်။

စာတမ်းဖတ်ပွဲကို ရှေ့လအတွင်း
ပြုလုပ်မည်ဖြစ်ပြီး ဖျော်ဖြေမှု အစီအစဉ်များလည်း ပါဝင်မည်ဟု မြန်မာနိုင်ငံဂီတအစည်းအရုံးမှ တာဝန်ရှိသူတဦးကို ကိုးကားပြီး ဗုဒ္ဓဟူးနေ့ထုတ် Weekly Eleven ဂျာနယ်တွင် ဖော်ပြထားသည်။

အဆိုပါ ထိပ်ထိပ်ကြဲ ပုဂ္ဂိုလ်ကြီး ဦးသည် ၁၉၀၉ ခုနှစ်တွင် မွေးဖွား
ခဲ့သော ဂီတစာဆိုတော်များဖြစ်သည်။

ဂီတစာဆိုကြီးတို့၏ ရာပြည့် အထိမ်းအမှတ် အဖြစ် မန္တလေးမြို့ FM ရေဒီယိုကလည်း ၎င်းတို့ ရေးဖွဲ့ခဲ့သော တေးသီချင်းများကို ယခုလမှ စတင်ပြီး ထုတ်လွှင့်ပေးလျှက်ရှိသည်ဟု သိရသည်။


မြို့မငြိမ်း (၁၉၀၉ - ၁၉၅၅)

မြို့မငြိမ်းသည် မြို့မတူရိယာအသင်းကို တည်ထောင်ခဲ့သူတဦး ဖြစ်ပြီး ခေတ်မီ တိုးတက်သော မြန်မာဂီတ အတီးအမှုတ်သမားများ ပေါ်ထွန်းရေး၊ မြန်မာသံစုံတီးဝိုင်းကြီး ပေါ်ထွန်းရေးကို အစဉ်တစိုက် လုံးပမ်းခဲ့သူဖြစ်သည်။

မြို့မတူရိယာအသင်း၏ မဟာဂီတ စံမူများကို ဒိုင်ခံ သင်္ကေတ ပြုစုပေးမည့် တဦးတည်းသော ရှားပါးပညာရှင်အဖြစ် ဟိုခေတ်ကပင် အသိအမှတ်ပြု လေးစားခဲ့ကြသည်ဟု ၎င်း၏ သားဖြစ်သူ ကိုရွှန်းမြိုင်(မြို့မ) ပြုစုသည့် ကမ္ဘာ့ဂီတ သင်္ကေတ နည်းပညာနှင့် မြန်မာ့မဟာဂီတ မြန်မာသီချင်းစာအုပ်တွင် ဖော်ပြထားသည်။

ဆရာငြိမ်း၏ သက်ဝေ၊ တချစ်ထဲချစ်၊ သခွပ်ပန်း၊ ဒေါင်းစက်ယဉ် တို့သည် မြင်းခင်းတော်၊ နန်းမြို့တော်၊ နတ်ရှင်နောင်၊ လက်ဝဲသုန္ဒရ စသည့် သီချင်းများနှင့်အတူ ကြာရှည် တည်မည့် ခေတ်သီချင်း (Modern classics) များ ဖြစ်နေပါလိမ့်မည်ဟု လူထုဒေါ်အမာ၏ ပြည်သူချစ်သော အနုပညာသည်များ စာအုပ်တွင် မှတ်တမ်းတင်ထားသည်။

မန္တလေးဇာတိ မြို့မငြိမ်းသည် ပန်းချီ၊ ပန်းပု၊ ဂီတ စွယ်စုံကျွမ်းကျင်သော အနုပညာသည်ဖြစ်သည်ဟု ဒေါ်အမာက ရေးသားထားသည်။

ရွှေပြည်အေး (၁၉၀၉ - ၁၉၇၇)

ရွှေပြည်အေးသည် ခေတ်သစ် မြန်မာ့ဂီတကို ရှေ့ဆောင်ခဲ့သူတဦး ဖြစ်ပြီး ကာလပေါ် သီချင်းများ စပ်ဆိုရာ၌ ကျော်ကြားခဲ့သည်။ သီချင်းများကို ရေးဟန်မျိုးစုံဖြင့် ရေးဖွဲ့ခဲ့သူဖြစ်ပြီး ထင်ရှားသော သီချင်းများမှာ ကျေးစေတမန်၊ နန်းကေသီ၊ ချစ်မိုးစွေ၊ ရွှေလည်တိုင်၊ ခြင်းလုံး၊ ရွှေအိုးစည်၊ နားပန်းဆံ၊ ဗွေးတုတ်၊ ဥတုသုံးလီ၊ စိမ်း နှင့် စိမ်းသင့်မှစိမ်း စသည်တို့ ဖြစ်သည်။

ရွှေပြည်အေးသည် အသံတိတ်၊ အသံထွက်ကားများတွင် ရုပ်ရှင် နောက်ခံတေးများ ရေးစပ်သူ ဂီတပညာရှင် အဖြစ် နှစ်ကြာရှည်စွာ ရပ်တည်ခဲ့ရာ၊ လွတ်လပ်ရေးခေတ်မှ ၁၉၆ဝ ပြည့်နှစ်စွန်းကာလများအထိ ရုပ်ရှင်ဂီတခေတ်သည် ရွှေပြည်အေးခေတ်ဟု ခေါ်လျှင် မှားမည်မဟုတ်ကြောင်းစန္ဒရား လှထွဋ်၏ မြန်မာ့ဂီတရေစီးကြောင်း စာအုပ်ကို ကိုးကားပြီး အလင်္ကာဂီတဂျာနယ်၏ အင်တာနက်စာမျက်နှာတွင် ဖော်ပြထားသည်။

ရွှေတိုင်ညွန့် (၁၉၀၉ - ၁၉၄၅)

ရွှေတိုင်ညွန့်သည် ရန်ကုန်မြို့ဇာတိ ဖြစ်သည်။ သူစပ်ဆိုသော သီချင်းများတွင် သူ၏အမည်ကို ထည့်သွင်း ရေးဖွဲ့လေ့ရှိသည်၊ သူ၏ လှေကလေး၊ ရှေးရေစက်၊ ဟေ၀န်နန်း၊ မိန်းမမြတ် သီချင်းများသည် အနောက်တိုင်း သီချင်းသံနှင့် စပ်ဆိုထားသည်ဟု မြန်မာ့စွယ်စုံကျမ်းတွင် ဖော်ပြထားသည်။

တူရိယာမျိုးစုံကို နိုင်နိုင်နင်းနင်း တီးတတ်သူဖြစ်ပြီး သီချင်းကိုလည်း ပိုင်နိုင်စွာ သီဆိုတတ်သူ ပညာရှင်တဦးဖြစ်ကြောင်း၊ တနှစ်လျှင် သီချင်းပုဒ်ရေ ၈၀ ကျော် ရေးသား စပ်ဆိုခဲ့သူဖြစ်ကြောင်း သိရသည်။

ဒုတိယကမ္ဘာစစ် မဖြစ်မီက ထင်ရှားသော သီချင်း အများစုမှာ ရွှေတိုင်ညွန့်၏ သီချင်းများ ဖြစ်သည်ဟု မြန်မာနိုင်ငံ ဘာသာပြန်စာပေအသင်းက ထုတ်ဝေသည့် မြန်မာ့စွယ်စုံကျမ်းက ဆိုသည်။


လူငယ်များ တိုးတက်ရေးအတွက် ဆရာအောင်သင်း၏ အကြံပေးချက်

ခေတ်ပြိုင်ဝက်ဆိုဒ်မှာ ဖတ်ခဲ့ရတဲ့ လူငယ်တွေ တိုးတက်ရေးအတွက် စဉ်းစားရမယ့် ဆရာအောင်သင်းရဲ့ အကြံပြုချက်များကို ဖော်ပြထားတဲ့ သတင်းလေးကို ကျမနဲ့ရွယ်တူ သူငယ်ချင်းများအတွက် ဝေငှလိုက်ပါတယ်။
------

လူငယ်များ တိုးတက်ရေးအတွက် ဆရာအောင်သင်း၏ အကြံပေးချက်
NEJ / ၂၀ ဖေဖော်ဝါရီ ၂၀၀၉


(ရန်ကုန်မြို့မှ စာရေးဆရာကြီး ဦးအောင်သင်းသည် ယခု အသက် (၈၂) နှစ် ရှိပြီဖြစ်သည်။ ဆရာအောင်သင်း သည် လူငယ်များ တိုးတက်ရေးအတွက် အစဉ်တစိုက် ရေးသား ဟောပြော ခဲ့သူဖြစ်သည်။ ဘ၀မှာ လူငယ်တွေ အတွက် လုပ်ပေးနိုင်သမျှ လုပ်ပေးသွားသည့် ကိစ္စမှလွဲ၍ အခြားမရှိတော့ပြီဟု ဆရာက ခေတ်ပြိုင်သို့ပြောသည်။ မြန်မာနိုင်ငံ၏ အခြေအနေမှာ လူငယ်တွေအတွက် လူကြီးတွေက ကိုယ့်ဘ၀ကို စတေးရမှာ နှမြောနေကြသည့် အတွက် အတော် စိတ်မကောင်းစရာ ဖြစ်သည်ဟု ဆရာအောင်သင်းက ယူဆသည်။

နိုင်ငံရပ်ခြားမှ လူငယ်များ၊ ပြည်တွင်းမှ လူငယ်များ တိုးတက်အောင်မြင်ရေးနှင့် ပတ်သက်ပြီး စာရေးဆရာကြီး ဦးအောင်သင်းနှင့် ခေတ်ပြိုင် အယ်ဒီတာချုပ် ဦးစိန်ကျော်လှိုင်တို့ တယ်လီဖုန်းမှတဆင့် တွေ့ဆုံဆွေးနွေးခဲ့သည်။ လူငယ်တွေ ဘာလုပ်ရမလဲ၊ ထွက်ပေါက်ရှာ ရမလား ဖောက်ထွက်ရမလား၊ အခက်အခဲကြားက ရုန်းထွက်နည်း၊ အင်္ဂလိပ်စာ ဘယ်လိုသင် မလဲ၊ မျိုးချစ်စိတ်ဓါတ် စသည်တို့ကို ဆွေးနွေးခဲ့သည်။


အောက်ဖော်ပြပါ နိုင်ငံရပ်ခြား မြန်မာလူငယ်များအတွက် ဆရာအောင်သင်း အကြံပေးချက်မှာ တွေ့ဆုံ မေးမြန်းခန်းမှ ကောက်နှုတ်ချက် ဖြစ်သည်။ အပြည့်အစုံကို အသံဖိုင်ဖြင့် နားဆင်နိုင်သည်။)

နိုင်ငံရပ်ခြား မြန်မာလူငယ်များအတွက် ဆရာအောင်သင်း၏ အကြံပေးချက်

၁။ ငါမုချကြီးပွားအောင်မြင်ရမယ်ဆိုတဲ့ အဓိဋ္ဌာန်ထားပါ
လူငယ်တယောက်ဟာ အရေးကြီးဆုံးအချက်က ငါဟာမုချကြီးပွားအောင်မြင်နေရမယ် ဆိုတဲ့ အဓိဋ္ဌာန် ခိုင်ခိုင်မာမာချဖို့ အရေးကြီးတယ်။ များသောအားဖြင့် လူငယ်တွေဟာ အမှတ်မထင် အမှတ်မထင်လေးတွေ နေကြတယ်။ အဲဒီလို ခိုင်ခိုင်မာမာ ကိုယ့်ကိုယ်ကို ပြန်ပြီးတော့ ဆုံးဖြတ်ချက် အဓိဋ္ဌာန်ပြုခဲ့သလား။ ဝေေ၀၀ါးဝါးလေးပေါ့ အမှတ်မထင် ပဲရှိတတ်တယ်။ ခိုင်မာရမယ်ဆိုတာ။ ဘုရားရှေ့မှာ အာရုဏ်ပြုသလို အဓိဋ္ဌာန်ပြုလိုက်သလို၊ သစ္စာဆိုလိုက် သလို အဲလိုကို အဓိဋ္ဌာန်ပြုရတယ်။ အဲဒါဟာ အလွန်ကို အရေးကြီးပါတယ်။ အဲဒီအဓိဋ္ဌာန်ချက် ခိုင်မာသွားလို့ရှိရင် ကျန်တဲ့ဥစ္စာတွေဟာ သူ့ကိုယ်သူထိန်းသွားလို့ရှိတယ်။ ဘယ်သူမဆို အဲဒီလို ဖြစ်လေ့ဖြစ်ထ ရှိပါတယ်။ ဒါကြောင့် အဲဒီဟာက အရေးကြီးတယ်လို့ ကျနော် ပြောဆို ခြင်းဖြစ်ပါတယ်။ အဲဒါ နံပါတ် (၁) အချက်ပေါ့ နော်။

၂။ ကျန်းမာရေးကို ကိုးကွယ်ပါ
နံပါတ် (၂) အချက်ကတော့ အဲအောင်မြင်ချင်လို့ရှိရင် ကျန်းမာရေးကို ကိုးကွယ်ရတယ်။
ကိုးကွယ်ရတယ်ဆိုတဲ့စကားလုံးကို ကျနော်တကယ်ပြောတာပါ။ ကိုယ့်ကျန်းမာရေးကို
ဘယ်လောက် အရေးကြီးတယ်ဆိုတာက လူငယ်တွေဟာ အမှတ်မထင် နေတတ်ကြတယ်။ မကျန်းမာရင် ဘာမှမဖြစ်နိုင်တော့ဘူး၊ သူများကို မှီခိုနေရတဲ့ဘ၀ကို ရောက်သွားတတ် တယ်ဆိုတာကို မေ့နေကြတယ်။
ကိုယ်ကကျန်းမာနေတဲ့အခါမှာ ကျန်းမာရေးရဲ့တန်ဖိုးကို မေ့နေတတ်တယ်။ အဲဒီတော့ ဘုရားရှင်က မေတ္တာပို့တာတောင်မှ မိမိကိုယ်ကို မိမိပထမဆုံးမေတ္တာပို့ပါ လို့ပြောခဲ့တာ။ ဘာကြောင့်လဲလို့ဆိုတော့ ကိုယ့်ကိုယ်ကို ကျန်းမာမှ တခြားသူကို ဒုက္ခမပေးမိမှာပေါ့။ အဲဒီတော့ ကျန်းမာရေးကို ဂရုစိုက်တယ် ဆိုတဲ့ကိစ္စမှာ အဲဒါဟာ မေ့မေ့လျော့လျော့ ဖြစ်တဲ့အခါကျတော့ ကျန်းမာရေးနဲ့ ဆန့်ကျင်ဘက် ဥပမာ မူးယစ်ဆေးဝါး သုံးတာတွေ၊ အရက်သေစာအများကြီး သောက်တာတွေ၊ သို့မဟုတ်လို့ရှိရင် အ၀လွန်လွန်းတဲ့ အဆီအအိမ့် တမက်တမောစားတာတွေ အဲဒီဥစ္စာတွေ အကုန်လုံးကို ထိန်းချုပ်သွားရတာ။

အဲဒီဘာကိုပဲ စားသည်ဖြစ်စေ၊ လုပ်သည်ဖြစ်စေ၊ အိပ်သည်ဖြစ်စေ၊ နေသည်ဖြစ်စေ ကျန်းမာရေးကို မထိခိုက်ရအောင် လူတွေသိပ်ကိုအရေးကြီးတယ်။ မကျန်းမာတာနဲ့ တပြိုင်နက်တည်း ကိုယ်သည် မှီခိုသော လူဘ၀ကို ရောက်သွားတတ်တယ် ဆိုတာကို မေ့နေတတ်တယ်။ အင်မတန်အရေးကြီးပါတယ် ကိုစိန်ကျော်လှိုင် အဲဒါလေးကို သေသေချာချာ အလေးနက် ကလေး ထည့်ပေးစေချင်ပါတယ် နော်။

၃။ စိတ်ဝင်စားတဲ့လုပ်ငန်း ရွေးချယ်ပါ
နောက်တခါ နံပါတ် (၃) အချက်က ကိုယ်စိတ်ဝင်စားတဲ့လုပ်ငန်းကို ရွေးချယ်ရတယ်။
ဥပမာ လျှပ်စစ်ဘက်မှာ စိတ်ထက်သန်လား၊ ဆောက်လုပ်ရေးဘက်မှာ စိတ်ထက်သန်လား သို့မဟုတ် ကွန်ပျူတာမှာလား၊ စာရေးတာမှာ စိတ်ထက်သန်တာလား အစရှိတာတို့ပေါ့နော်။ တကယ့်ကို အသက်မွေးဝမ်းကျောင်းကို ပေးနိုင်မယ့် လုပ်ငန်းတခုကို ကိုယ်ချင့်ချင့်ချိန်ချိန် ရွေးချယ်ရပါမယ်။ ကိုယ့်ဝါသနာပါတဲ့ဥစ္စာ ဟော်ဘီသဘောမျိုးပေါ့။ အပိုဝါသနာပါတဲ့ ကိစ္စမျိုးကတော့ ပန်းချီရေးသည် ဘာရေးသည်ဖြစ်စေ အသက်မွေးဝမ်းကျောင်းမျိုး မဟုတ်ဘဲ နဲ့ လုပ်ချင်တာလုပ်ပေါ့။

ဒါပေမယ့် လက်ငင်းအရေးကြီးတဲ့ ဥစ္စာကတော့ အသက်မွေးဝမ်းကျောင်းနဲ့ ပတ်သက်ပြီးတော့ ဘယ်လုပ်ငန်းကို စိတ်ဝင်စားလဲ ဆိုတာ ပထမဆုံး ရွေးချယ်ဖို့ လိုပါတယ်။ အဲဒီရွေးချယ်တဲ့ ဥစ္စာဟာ ကိုယ့်စိတ်နဲ့ ပတ်ဝန်းကျင်နဲ့ ရှိတဲ့အထဲမှာမှ ကိုယ်ရွေးလို့ ရနိုင်တဲ့ လုပ်ငန်းတွေထဲမှာ ဘယ်ဟာကို ရွေးနိုင်မလဲဆိုတာ၊ အဲဒါကို ချင့်ချိန်ရွေးချယ်ပြီးတော့ အဲဒီဥစ္စာကို နေ့နေ့ညည လေ့လာရတယ်။

၎။ ရွေးချယ်တဲ့ပညာကို နေ့နေ့ညည ကြံဆပါ
ဆက်ပြီးတော့ ပြောချင်တာက နံပါတ် (၄) အချက်က အဲဒီရွေးချယ်လိုက်တဲ့ ပညာရပ်ကို သို့မဟုတ် အဲလုပ်ငန်းကို လေ့လာတာ အဲဒါကို နေ့နေ့ညည စိတ်ထဲမှာတွေးပြီးတော့ ကြံဆနေရပါတယ်။ အဲကြံဆမနေလို့ရှိရင် အဲဒီဥစ္စာ ဘယ်တော့မှ မအောင်မြင်နိုင်ဘူး။ အဲဒီလို ကြံဆရင်းကနေ ဘာဖြစ်လာသလဲဆိုတော့ တခါတရံမှာ ဖြစ်သွားတတ်တာက ပထမ ရွေးချယ်ထားတဲ့ လုပ်ငန်းထက် ပိုပြီးကောင်းတဲ့လုပ်ငန်း၊ ကိုယ်နဲ့ပိုသင့်တော်တဲ့ လုပ်ငန်း တွေ့သွားတတ်တယ်။ ဒါမှမဟုတ်လို့်ရင် ကိုယ်ရွေးချယ်ထားတဲ့ လုပ်ငန်းမှာ တိုးတက်ရာ တိုးတက်ကြောင်း ဖြစ်လာတတ်ပါတယ်။ အဲဒါကျနော်ပြောတာ နေ့နေ့ညည ကြံဆပါလို့ ကျနော် ပြောချင်ပါတယ်။

၅။ မိတ်ဆွေအပေါင်းအသင်းထံ တပည့်ခံဖို့ ၀န်မလေးနဲ့
နောက်နံပါတ် (၅) အချက်က အဲဒီဟာနဲ့ ပတ်သက်ပြီး လုပ်ငန်းနဲ့ ပတ်သက်ပြီးတော့ သိကျွမ်းတဲ့သူ၊ မိတ်ဆွေအပေါင်းအသင်း အဲဒီကနေ ဆရာတင်ဖို့ ကိုယ်က တပည့်ခံဖို့ ၀န်မလေးပါနဲ့။ နောက်ပြီးတော့ ဆိုလိုတာက မေးဖို့ဝန်မလေးနဲ့၊ ငါ့အဲဒါလေးသင်ပေးစမ်းပါကွာ ဆိုတာမျိုး ပြောတာလိုမျိုး။ ကျနော့်ကို အဲဒါလေးသင်ပေးပါခင်ဗျာလို့ အဲဒီလိုပြောတာမျိုး။ အဲဒီလို လုပ်ဖော်ကိုင်ဖက် အချင်းချင်းကဖြစ်စေ တပည့်ခံဖို့ ၀န်မလေးရဘူး။ တချို့က ဆရာတင်ဖို့ တပည့်ခံဖို့ အင်မတန် ၀န်လေးတတ်ကြတယ်။

ကျနော်ကိုယ်တိုင် ပြောရမယ်ဆိုလို့ရှိရင် ကျနော်တချို့ အပိုင်းတွေမှာကို ကျနော်တပည့်တွေ ဆီကနေ ပြန်ပြီးသင်ယူနေတာပဲ။ တပည့်တွေက ကိုယ့်ဆရာဖြစ်တဲ့အခါကျတော့ လိုလိုချင်ချင် သင်ပေးကြတယ်။ ကျနော် အဲဒီနည်းအားဖြင့် ကျနော် ပညာတွေ အများကြီးရခဲ့တယ်။ ကိုယ့်တပည့်ဆီမှာပြန်ပြီး ကျနော်တပည့်ခံခဲ့တာပါ။
အဲဒီတော့ ကိုယ့်တပည့်ဆီတောင်မှ တပည့်ခံရတယ်ဆိုလို့ရှိရင် ကိုယ့်မိတ်ဆွေ၊ အပေါင်း အသင်းဆီ ဘာဖြစ်လို့ တပည့်မခံနိုင်ရမှာလည်း။ ဒါပေမယ့် အဲတခုရှိတယ် တပည့်ခံပြီး သင်လို့ရတဲ့အခါမှာ ကိုယ်ကနှုတ်ဆိတ်ပြီးတော့ မနေပါနဲ့။ သူ့ကို ကျေးဇူးတင်ကြောင်းကို လှိုက်လှိုက်လှဲလှဲ ပြောဖို့လိုတယ်။ နောက်ပြီး ကျေးဇူးတင်ကြောင်းကိုလည်း ပြဖိုိ့လိုပါတယ်။ ဥပမာဆိုပါတော့ သူ့ကိုကျေးဇူးတင်ကြောင်းလေး တကယ်လို့ ရပ်ဝေးမှာနေတယ်ဆိုလို့ရှိရင် ကျေးဇူးတင်ကြောင်းလေး စာနဲ့တကြောင်းလေးဖြစ်စေ၊ မင်းပေးလိုက်တဲ့ ကျေးဇူးလေးရတယ် ကွာ ငါအခုထက်ထိ ကျေးဇူးမမေ့နိုင်သေးဘူး ဆိုတာမျိုးလေး စာလေးတကြောင်းလောက်နဲ့ ဖြစ်စေ၊ ဒါမှမဟုတ် ကဒ်လေးတခုလောက် ပို့ပြီးဖြစ်စေ ၀န်မလေးပါနဲ့။ တကယ်လို့ကြုံလို့ ဖြစ်စေ သူ့ကို လက်ဖက်ရည်တခွက်တိုက်တာဖြစ်စေ၊ ထမင်းတနပ်ကျွေးတာဖြစ်စေ ၀န်မလေး ပါနဲ့။ အဲဒီဥစ္စာ တသက်တာလုံး ကိုယ့်အတွက်ကို သင်ပြမယ့်သူတွေပေါ်လိမ့်မယ်၊ လမ်းညွှန် မယ့်သူတွေ ပေါ်လိမ့်မယ်၊ အဲဒီလိုဟာမျိုး အဲဒါမျိုးဝန်မလေးပါနဲ့။

နောက်တခုက အဲလိုနည်းအားဖြင့် အပေါင်းအသင်း သိပ်ဖွံ့ဖြိုးလာလိမ့်မယ်၊ အဲဒီ အပေါင်း အသင်းက ကိုယ့်ဘ၀ တိုးတက်မှုအတွက် အမြဲစောင့်ရှောက်မယ့်သူတွေ ဖြစ်လာလိမ့်မယ်လို့ ကျနော် အကြံဥာဏ်ပေးချင်ပါတယ်။ အဲဒါရပ်ဝေးမှာနေတဲ့ ကလေးတွေအတွက် ကျနော် တတ်နိုင်တဲ့ အကြံပေးချက်ပါ။ အဲဒါလေးပါပဲ ကိုစိန်ကျော်လှိုင်။

Wednesday, February 18, 2009

ဆရာမြသန်းတင့်

ဒီနေ့ သတင်းဌာနတွေ လျှောက်ဖတ်ရင်း မဇျွိမ၀က်ဆိုဒ်က ရသဘဏ်တိုက်ထဲရောက်တော့ ရင်ထဲ ထိမိခဲ့တဲ့ ကဗျာတပုဒ်ကို ဖတ်ခဲ့ရတယ်။ ဒီကဗျာလေးကို ကဗျာဆရာ ညိုထက်ညိုက ကွယ်လွန်သွားပြီဖြစ်တဲ့ ဆရာမြသန်းတင့်အတွက် စပ်ဆိုခဲ့တာပါ။ ဆရာမြသန်းတင့် ကွယ်လွန်တာဟာ ယနေ့ဆို ၁၁ နှစ်ပြည့်ခဲ့ပါတယ်။ ကဗျာရဲ့ ခေါင်းစဉ်က သံမဏိနှင်းဆီ ။ ကျမရဲ့ ဘလော့ဂ်မှာ မှတ်တမ်းလေးအဖြစ် တင်ထားချင်တဲ့အတွက် မဇျွိမကနေ ကူးယူပြီး တင်လိုက်ပါတယ်။


-----


သံမဏိနှင်းဆီ

ညိုထက်ညို

အင်္ဂါနေ့၊ ဖေဖေါ်ဝါရီလ 17 2009 16:38 - မြန်မာစံတော်ချိန်

ရေဝေး တဲ့

ဆရာနဲ့ ကျနော် အနေဝေးရတော့မယ်။

ပူရှိန်ပြင်းလွန်းလှရဲ့

ဒီကောင့်ရင်ထဲ

နေဆယ်စင်းမက ထွန်းလင်းခဲ့။

တဂျုန်းဂျုန်း တဂျိုင်းဂျိုင်း လမ်းကလေးပေါ်

ကယိမ်းကယိုင် ကျနော် လျှောက်လာခဲ့

ပခုံးပေါ်မှာ လေးနင့်သိပ်သည်း

ဆရာဟာ ကမ္ဘာကြီးဖြစ်မှန်း

ဒီနေ့ကျမှ ကျနော် သိခဲ့ရ

ဆရာကတော့ မျက်လွှာကိုချ

ငြိမ်သက်စွာ လိုက်လာပေရော့မယ်။

ဆရာရေ

ဖြူဖွေးမွရွ

ဆံနွယ်ဆံစတွေနဲ့

ဆရာတာ လာပြီ

တာရာ လာပြီ

ကဗျာဆရာ လာပြီ

တခါသားက

ဆရာတာဟာ ကဗျာဆရာ စစ်စစ်

ဆရာ့ရဲ့ ပိုင်းဆစ် ရုပ်ပုံလွှာ

ကျနော့် မျက်လုံးထဲမှာ မြင်လာတယ်။

ဆရာရေ

ဒီအချိန်ဆို တော်လှန်ဟစ်ကြွေး

ကိုကိုးကျွန်းက တေးသံ

လေထုထဲမှာ ညံနေပေရော့မယ်။

မနာလိုစရာ ကောင်းလွန်းရဲ့

ဒီ ဦးခေါင်းဟာ သာမန် ဦးခေါင်းမဟုတ်

ဘယ်သူ ငြင်းချက်ထုတ်မလဲ

ဆုငွေ ထုတ်ခံရတဲ့ ဦးခေါင်း

ဒါ ဆရာ့ ငယ်ဘဝ ဇာတ်ကြောင်းပေါ့

လေညင်းကို မမျှော်

မုန်တိုင်းမှာ ပျော်ခဲ့

တိုက်ပွဲကိုမင်

တိုက်ပွဲဝင်ခဲ့

ကျနော်တို့ဟာ ရှေ့ဆက်သွားရ ဦးမှာပဲ

ဆရာဟာ အကောင်းဆုံး လက်ဆင့်ကမ်းသမား ဖြစ်ခဲ့

ဒဏ်ရာတွေကို ဖယ်ပြီး

ကျန်တာတွေကို လက်ဆင့်ကမ်းခဲ့

ဟောဟိုမှာ ရှိုက်သံသဲ့သဲ့

မြေနီကုန်းမှာ တပိုင်း ဝင်ချခဲ့သတဲ့လား

လူတိုင်းရင်ထဲ မြည်တွင်ထုဆစ်

ဒီရေမြင့်သစ်ခဲ့ရတယ်။

ဆရာရေ

ကိုအုန်းမြင့်လှိုင်က

ဆရာ့ကို ပတ္တမြားတဲ့

ပျောက်သွားတဲ့ ငမောက်

ခု ကျနော့်ရှေ့ ပြန်ရောက်လာတယ်။

ဆရာရေ

မြနန္ဒာ ပါတယ်

ကိုနန္ဒာနဲ့ ရဲမြင့် ပါတယ်

ဒေါင်းတကောင် ပါတယ်

ပျားရည်တအိုး ပါတယ်

တူ ပါတယ်

တံစဉ် ပါတယ်

အသွားထက်ထက်

ကလောင်တလက် ပါတယ်

တခုပဲ

ဒီကနေ့မှာ အသံမပါဘူး

ဒီကနေ့မှာ အသက်မပါဘူး

အဲဒီ ဖေဖော်ဝါရီ ၁၈

ကျနော် ပြက္ခဒိန်က ခြစ်ပစ်လိုက်ချင်တယ်။

ဆရာရေ

တခါက သထုံမှာ

ဒေသန္တရ ဗဟုသုတ ဖွေရှာ

လူမှုဘဝ ဝေဒနာတွေနဲ့

ခွဲဖြာသိမ်းထုပ်

စာရင်းချုပ်ရင်

ရေခဲဟာ အရည်ပျော် ရမတဲ့

တခါတခေါက်

ဆရာနဲ့ သထုံ ပြန်ရောက်ချင်သေးတယ်။

ဆရာရေ

တခါသားက

ရွှေပြည်သာမှာ

နေခြည်ဖြာတဲ့ မနက်

ကျနော်တို့ ပျော်ပျော်ပါးပါး

စားကြသောက်ကြ တေးဆိုကြ

ဆရာလှထွဋ်ရဲ့ စန္ဒရားလက်သံ

ဆရာ့ရဲ့ တယောထိုးသံ

ခု ချက်ချင်း နားမှာ လျှံလာတယ်။

ဆရာရေ

အဖော်ကောင်းလျှင် ငရဲပြည်သို့ လိုက်မည့်သူတဲ့

အဖေ့အကြောင်း တစွန်းတစ

တခါက ဆရာ ရေးချခဲ့ဖူးတယ်။

ကျနော့် နာမည်နဲ့ အမှတ်တရ လက်ဆောင်

စာအုပ်ဟောင်းကလေး ပြန်လှန်ကြည့်

ဆရာ့လက်ရေး

ခုထက်ထိ နီစွေးနေဆဲ

ဆရာရေ

ဆရာ့ကို အခု ထမ်းပိုးလာသူဟာ သံချောင်း

ကျနော်တို့ ဒီနေ့ ကံမကောင်းခဲ့

မျက်ရည်စတွေ ပြိုးပြက်ဖိတ်လက်

လိုနေတာဟာ ဓားတလက်ပေါ့

ဒီတင်ပဲ

ခွမ်းခနဲ ရေအိုးကွဲခဲ့

ပေါင်းစည်းရင်း ကွဲလွဲစေ

ကွဲလွဲရင်း ပေါင်းစည်းစေ

ကမ္ဘာမြေရေ

ဂုဏ်ပြုအပ်သူကို ဆီးကြိုပေတော့ တဲ့

လေရူးသုန်သုန်နဲ့

မီးခိုးပြာဝေ

ဆရာရေ

မြန်မာပြည်ကို ဆက်လို့ စောင့်ရှောက်ရစ်လေတော့။


(
၁၈.၂.၉၈ တွင် ကွယ်လွန်သွားသော ဆရာမြသန်းတင့်သို့)