မတ်လ ၈ ရက်နေ့ကို နိုင်ငံတကာ အမျိုးသမီးများနေ့ အဖြစ် ကမ္ဘာတ၀ှမ်းလုံးမှာရှိတဲ့ အမျိုးသမီးအဖွဲ့တွေက သတ်မှတ်ထားကြပါတယ်။ ကမ္ဘာ့ကုလသမဂ္ဂ အဖွဲ့ကြီးကလည်း အသိအမှတ်ပြု ဂုဏ်ပြုထားပြီး နိုင်ငံအတော်များများမှာ အားလပ်ရက်အဖြစ် သတ်မှတ်ကြပါတယ်။ တိုင်းရင်းသား၊ ဘာသာစကား၊ ယဉ်ကျေးမှု၊ စီးပွားရေး၊ နိုင်ငံရေး မတူကွဲပြားမှုများနှင့် နယ်နိမိတ်များဖြင့် ပိုင်းခြားထားသော်လည်း အမျိုးသမီးများက ထိုနေ့ကို ကျင်းပရန်အတွက် စုစည်းမိကြပါတယ်။ အမျိုးသမီးများ တန်းတူညီမျှရေး၊ တရားမျှတရေး၊ ငြိမ်းချမ်းရေးနှင့် တိုးတက်ရေးတို့နဲ့ ပတ်သက်ပြီး ကမ္ဘာတ၀ှမ်းလုံးက အမျိုးသမီးရေး လှုပ်ရှားသူတွေ တိုက်ပွဲဝင်ခဲ့တာ တိုက်ပွဲဝင်နေဆဲ ဒီခရီးဟာ ဆယ်စုနှစ် ကိုးနှစ်နီးပါး ကြာခဲပါ့ပြီ။
အမျိုးသမီးများနေ့သမိုင်းဟာ ၁၉၀၉ ခုနှစ် အမေရိကမှာ စတင်ဖြစ်ခဲ့တယ်။ နောက်ပိုင်းမှာ မတ်လရဲ့ နောက်ဆုံးပတ်ကို သတ်မှတ်ပြီး ကျင်းပခဲ့ကြတယ်။ ၁၉၁၁ မှာ ဥရောပနိုင်ငံတွေက မတ်လအတွင်းမှာပဲ အလုပ်လုပ်ခွင့်ပေးဖို့။ အသက်မွေးဝမ်းကျောင်းဆိုင်ရာ သင်တန်းတွေပေးဖို့နဲ့ အလုပ်ခွင်အတွင်းမှာ ခွဲခြားဆက်ဆံမှုတွေ အဆုံးသတ်ဖို့ တောင်းဆိုခဲ့ကြတယ်။ ပထမကမ္ဘာစစ်ပြိးစ ၁၉၁၃-၁၄ မှာမှ မတ်လ ၈ ရက်နေ့ကို နိုင်ငံတကာ အမျိုးသမီးများအနေ့အဖြစ် သတ်မှတ်ကျင်းပခဲ့ကြတယ်။ အဲဒီအချိန်က အမျိုးသမီးအခွင့်အရေး၊ နိုင်ငံရေးနှင့် စီးပွားရေးလုပ်ငန်းစဉ်တွေမှာ အမျိုးသမီးများ ပါဝင်လာနိုင်စေရေးတို့အတွက် တောင်းဆိုလှုပ်ရှားခဲ့ကြတာဖြစ်ပါတယ်။
အမျိုးသမီးများ ဒီလို နှစ်ပေါင်း ကိုးဆယ်နီးပါး ကြာအောင် တန်းတူရေးအတွက် တိုက်ပွဲဝင်နေသော်လည်း ကမ္ဘာပေါ်မှာရှိတဲ့ အချို့နိုင်ငံတွေမှာ၊ နေရာတော်တော်များများဟာ အမျိုးသမီးတွေဟာ အခွင့်အရေးတွေ ဆက်လက်ချိုးဖောက်ခံနေရဆဲပဲ ဖြစ်ပါတယ်။ အာဖဂန်နစ္စတန်နိုင်ငံမှာဆိုရင် အမျိုးသမီးတွေဟာ ပါလီမန်အဆင့်ထိ ရာခိုင်နှုန်းသုံးပုံတပုံ ပါရှိနေပေမယ့်လည်း တိုင်းပြည်ရဲ့ အခြားဒေသက အများစုအမျိုးသမီးတွေကတော့ ပညာသင်ယူခွင့်၊ အလုပ်လုပ်ခွင့်နဲ့ တရားဥပဒေကြောင်းအရ လွတ်လပ်ခွင့်တွေ ငြင်းပယ်ခံနေရဆဲ ဖြစ်ပါတယ်။ ကျမတို့ မြန်မာနိုင်ငံမှာဆိုရင်လည်း စစ်အုပ်စုရဲ့လက်အောက်မှာ အမျိုးသမီးတွေဟာ တန်းတူပညာသင်ယူခွင့်၊ လုပ်ငန်းခွင်အတွင်း လုံခြုံမှု။ ညီမျှမှုနဲ့ နိုင်ငံရေးအရပါဝင်မှုတွေမှာ ငြင်းပယ်ထားခံနေရဆဲ ဖြစ်ပါတယ်။ အဲဒီအပြင် တိုင်းရင်းသူအမျိုးသမီးတွေဟာလည်း အဓမ္မပြုကျင့်မှုတွေ ခံခဲ့ရ၊ ခံနေကြရဆဲ ဖြစ်ပါတယ်။ ကျမတို့ အမျိုးသမီးများ တန်းတူအခွင့်အရေးရရေးအတွက်ကို ကျမတို့ကိုယ်တိုင်နဲ့ အမျိုးသားများကပါ နားလည်မှုနဲ့ ပါဝင်တိုက်ပွဲဝင်ရမှာ ဖြစ်ပါတယ်။
ကိုးကားချက်။ ကမ္ဘာ့ကုလသမဂ္ဂ ၀က်ဆိုဒ်၊ Al Jazeera (People & Power)
