လပြည့်နေ့၊ လွတ်ငြိမ်းချမ်းသာခွင့်နဲ့ မဝေးတော့တဲ့ အထုပ္ပတိ ရုပ်ရှင်?

ဒီနှစ် သီတင်းကျွတ်လပြည့်နေ့မှာတော့ နှစ်တိုင်းပြုလုပ်နေကျ ဘုရားသွားတာ၊ ကုသိုလ်ယူတာတွေ မပြုလုပ်နိုင်ခဲ့ပါဘူး။ ဘာဖြစ်လို့လဲဆိုတော့ အဲဒီနေ့မှာ မြန်မာအစိုးရသစ်က ဒုတိယအကြိမ် အကျဉ်းသားတွေ လွတ်ငြိမ်းချမ်းသာခွင့်ပေးတယ်ဆိုတော့ ယုံကြည်ချက်ကြောင့် အကျဉ်းကျခံနေရတဲ့ နိုင်ငံရေးအကျဉ်းသားတွေ ဘယ်လောက်များ ပါလာမလဲလို့ သိချင်စိတ်နဲ့ သိသိသမျှ ဖုန်းတွေ လိုက်ဆက်၊ ချက်တင်ကလည်း မပြတ်ဘဲ မေးနေမိတော့ လပြည့်နေ့အတွက် လုပ်လေ့ရှိတဲ့ ဘုရားကျောင်းသွား သီလယူတွေလည်း လုပ်ဖို့ မအားလပ်ခဲ့ပါဘူး။ ပထမဦးဆုံး လွတ်မြောက်လာတဲ့အကျဉ်းသားတွေထဲက စွယ်စုံရ အနုပညာရှင်တဦးဖြစ်တဲ့ ဇာဂနာ လွတ်လာတာကို ကြားသိရပြီး ဆက်တိုက်ဆိုလို တခြားယုံကြည်ချက်ကြောင့် ကျခံနေရသူတချို့လည်း လွတ်မြောက်လာတာ ကြားရပါတယ်။ ဇာဂနာနဲ့ အင်တာဗျူးတွေမှာ ပြည်သူတွေကို စစချင်းပြောလိုက်တဲ့ထဲမှာ အစိုးရသစ်အပေါ် ဝေဖန်ထောက်ပြမှုတွေ စတင်လာသလို ပြည်သူတွေကိုလည်း ‘ဇာဂနာ ပြန်လာပါပြီ’ တဲ့။

နောက် ၂၄ နာရီအတွင်းမှာလည်း မီဒီယာမျိုးစုံက အကြောင်းအရာအစုံကို (ဦး) ဇာဂနာကို မေးမြန်းကြ၊ သတင်းဝက်ဆိုက်တွေ လူမှုကွန်ယက်ဆိုက်တွေမှာ ဖော်ပြကြတာ ဖတ်ရပါတယ်။ တော်တော်လေးလည်း စုံလင်လှပါတယ်။ အဲဒီလို ဖတ်နေရင်းက ကျမအတွေးထဲ သတိရလိုက်တာက ဦးသူရ အဖမ်းမခံရခင် အင်တာဗျူးတခု ဖတ်ခဲ့ရဲတဲ့ သူ ဇာတ်ညွှန်းရေးထားတဲ့ ဗိုလ်ချုပ်အောင်ဆန်း အထုပ္ပတိ ရုပ်ရှင်ကို တနှစ် နှစ်နှစ်အတွင်း ပြီးအောင် ရိုက်ချင်တယ်၊ ဥရောပက ရုပ်ရှင် ကုမဏီတွေကလည်း ကမ်းလှမ်းထားတာ ရှိထားတယ်ဆိုတာ သွားအမှတ်ရလိုက်တော့ ကျမတို့ မျှော်လင့်နေတဲ့ ဗိုလ်ချုပ်အောင်ဆန်းအကြောင်း ရသရုပ်ရှင်ကို မကြာခင်နှစ်အတွင်း ကြည့်ရဖို့ သေချာသွားပြီလို့ မှတ်ယူလိုက်ပါတယ်။ ၂၀၀၈ ခုနှစ်ကတည်း ဇာတ်ညွှန်းရုပ်ရှင် ရေးထားပြီးပီလို့ သတင်းတွေကနေ သိထားရတော့ ရုပ်ရှင် အဖြစ် ကြည့်ရဖို့ မဝေးတော့ဘူးလို့ မျှော်လင့်လို့ရမှာပေါ့နော်။ ဘယ်တော့များ ဒီရုပ်ရှင်ကို စရိုက်မှာပါလိမ့်။ ....

ဆိုနီယာဂန္ဒီ (သို့မဟုတ်) သံမဏိစိတ်ဓါတ်နဲ့အမျိုးသမီး

အိန္ဒိယနိုင်ငံမှာ ထင်ရှားတဲ့ နိုင်ငံရေးသမား ဆိုနီယာဂန္ဒီ (အင်ဒီရာဂန္ဒီရဲ့ ချွေးမ၊ ၁၉၉၁ ခုနှစ်မှာ လုပ်ကြံသတ်ဖြတ်ခံခဲ့ရတဲ့ ရာဂျစ်ဂန္ဒီရဲ့ ဇနီး) ကို နိုင်ငံရေးအရ ထောက်ခံသူတွေ ဝေဖန်သူတွေ ရှိနေပေမယ့် အီကိုနောမစ် မဂ္ဂဇင်းကတော့ သံမဏိစိတ်ဓါတ်နဲ့အမျိုးသမီး လို့ခေါင်းစဉ်တပ်ပြီး ဖော်ပြထားပါတယ်။ အိန္ဒိယနိုင်ငံရဲ့ ကွန်ကရက်ပါတီရဲ့ လက်ရှိသမတ ဆိုနီယာဂန္ဒီရဲ့ အကြောင်း စာအုပ်ကို စာရေးဆရာမ သတင်းထောက် ရာနီဆင်း က ရေးသားထုတ်ဝေလိုက်ပြီး အိန္ဒိယ နိုင်ငံရေးသမား တဦးဖြစ်တဲ့ ဆိုနီယာရဲ့ အောင်မြင်မှု၊ ဂန္ဒီမိသားစုရဲ့သမိုင်း တွေကို ဖော်ထုတ်ရေးသားထားပေမယ့် စာအုပ်မှာ လိုအပ်ချက်တွေ ရှိနေသေးတယ်လို့ အီကိုနောမစ် မဂ္ဂဇင်းက ရေးသားထားပါတယ်။ ရာနီဆင်းရဲ့ ’ Sonia Gandhi: An Extraordinary Life, An Indian Destiny” စာအုပ်ဟာ နိုင်ငံတကာ ဈေးကွက်မှာ ပထမဆုံး စာအုပ်ဖြစ်ပါတယ်တဲ့။

ရည်ညွှန်း http://www.economist.com/node/21532255?fsrc=scn/fb/wl/ar/ironlady