အချိန်စီမံခန့်ခွဲမှု (Time Management)

အချိန်စီမံခန့်ခွဲမှု (Time Management) ဆိုတာ


အချိန်ဆွဲခြင်း (procrastination) နဲ့ အကျွမ်းဝင်နေခြင်းက စိတ်ဖိစီးမှု ပိုများစေပေမယ့် လူအများစု၊ အထူးသဖြင့် ကျောင်းသားတွေကတော့ ဒီအကျင့်က စွဲနေတတ်ပါတယ်။ တနေ့တာ ဖတ်ရမယ့် စာကို မဖတ်ချင်ဘဲ ပျင်းနေတာ၊ အလုပ်တခုခုကြောင့် မဖတ်ဖြစ်တာ၊ သာရေး နာရေး လူမှုရေးကိစတွေနဲ့ ဖတ်ဖို့ အချိန်မရလိုက်တာ စသဖြင့်...  ရက်သတပတ် များလာရင်တော့ ၀န်ပိလာပါတော့တယ်။ ဘာသာရပ်တခုခုလေ့လာနေသူတွေအတွက်၊ အထူးသဖြင့် နိုင်ငံခြား ဘာသာစကား တခုခုနဲ့ လေ့လာနေသူတွေဆိုရင်တော့ နေ့စဉ်လေ့လာမှုက ကိုယ်လေ့လာမှု အောင်မြင်ဖို့ သော့ချက်ပါပဲ။ ဒီလို လေ့လာမှုတွေ လုပ်နိုင်ဖို့ တနေ့တာ အချိန်တွေကို စီမံခန့်ခွဲနိုင်ဖို့ လိုလာပါပြီ။ 

အချိန်စီမံခန့်ခွဲမှုဆိုတော့ အခေါ်အဝေါ်က အတော်လေး စိမ်းပါတယ်။ လွယ်လွယ်ပြောရရင်တော့ အချိန်အလဟသ မကုန်သွားစေဘဲ အကျိုးရှိရှိ သုံးနိုင်ဖို့ပါပဲ။ ကျောင်းသား စာဖတ်ရမှာပေါ့လို့ ပြောလို့လွယ်ပေမယ့် အခုကာလ ပြောင်းလဲလာနေတဲ့ ခေတ်စနစ်ကြီးထဲမှာ ပညာရပ်တခုခုလေ့လာသူတိုင်းဟာ လူငယ် လူရွယ် မဟုတ်သူတွေ၊ မိသားစုတာဝန် တဖက်ထမ်းနေရင်းက လေ့လာနေကြတဲ့ လူလတ်ပိုင်းတွေ ရှိလာပါပြီ။ မိမိအလုပ်တာဝန်၊ မိသားစုတာဝန်၊ ဇနီး၊ ခင်ပွန်း၊ သားသမီးတာဝန်တွေတဖက်နဲ့ လေ့လာနေသူတွေဟာ အချိန်နဲ့ ပြိုင်နေကြရတဲ့ အချိန်လုနေကြရသူ ဖြစ်လို့နေပါတယ်။

တိုးတက်မြန်လွန်းတဲ့ နည်းပညာခေတ်ကြီးထဲမှာ တကသိုလ်ပညာရေး၊ အဆင့်မြင့် ပညာရေးတွေကိုလည်း အွန်လိုင်းကနေ အိုးမကွာ အိမ်မကွာ အလုပ်ကနေ မထွက်ရဘဲ လေ့လာလို့ ရလာနေတာပါ။ ဖွံ့ဖြိုးပြီး နိုင်ငံကြီးတွေမှာ online learning (အွန်လိုင်းကတဆင့်သင်ယူခြင်း) က ဒီ ၂၁ ရာစုမှာ တော်တော်များလာပါပြီ။ အွန်လိုင်းပညာရေး ကို virtual learning (၀က်ဆိုက်ကတဆင့် သင်ယူခြင်း) လို့လည်း ခေါ်ဆိုကြပါတယ်။ အွန်လိုင်းပညာရေးကို လေ့လာဖို့ စိတ်ဝင်စားတဲ့ လူငယ်တွေအတွက်တော့ အချိန်ကို ကောင်းကောင်းအသုံးချတတ်မှသာ ဘာသာရပ်တခုချင်းစီမှာ အမှတ်ကောင်းကောင်း ရနိုင်မှာပါ။ အမှတ်ကောင်းကောင်းဆိုလို့ ကျမတို့ ငယ်ငယ်က သင်ခဲ့ရတဲ့ (အခုချိန်ထိလည်း မပြောင်းလဲသေးတဲ့) ကြက်တူရွေးစာအံနည်းနဲ့ မေးခွန်းကျက်ဖြေ လို ပညာရေးမျိုး မဟုတ်ပါ။ ကိုယ်တိုင်လေ့လာပြီး နားလည်သလို ပြန်ရေးပြ ဆွေးနွေးပြရ မေးခွန်းပြန်ထုတ်ပြရတဲ့ လေ့လာမှု ဖြစ်ပါတယ်။

ဒီလို ဘာသာရပ်တွေအတွက် ပေးရတဲ့အချိန်ကလည်း တဖြည်းဖြည်း ရှားလာသလားအောက်မေ့ရပါတယ်။
နည်းပညာအသစ်တွေနဲ့အတူ လူမှုကွန်ရက်တွေကလည်း လူအတော်များများရဲ့ နေ့တဓူဝ အချိန်တွေထဲက အများဆုံးကို နှုတ်ယူပစ်လို့ နေပါတယ်။ လွန်ခဲ့တဲ့ သုံးလေးနှစ်ကထက်စာရင် မနက်အိပ်ရာနိုးတာနဲ့ လူမှုကွန်ရက်ဝက်ဆိုက်တွေ ဖြစ်တဲ့ ဖေ့ဘွတ်လို၊ တွစ်တာလို ဆိုက်တွေက ကိုယ့်အကောင့်ကို ဖွင့်ပြီး သတင်းဖတ်၊ ကိုယ့်သူငယ်ချင်း မိတ်ဆွေတွေ ရေးတင်ထားတဲ့ ပို့စ်တွေဖတ် ရုပ်သံကြည့် စတာတွေနဲ့ အချိန်ကို စတင် အသုံးပြုကြတာပါ။ နည်းပညာ အကူအညီကြောင့် ကမာကြီးရဲ့ ဘယ်အစိတ်အပိုင်းမှာနေနေ တယောက်အကြောင်း တယောက်သိဖို့ သိပ်လွယ်ကူသွားပါပြီ။ ဒီလို ဆက်သွယ်ရေးတွေ လွယ်ကူမြန်ဆန်လာသလိုပဲ တနေ့တနေ့ လူမှုကွန်ရက် သုံးချိန်ဟာလည်း ကုန်မှန်းမသိ ကုန်ကုန်သွားတတ်တာပါပဲ။ 

ကျောင်းပညာရပ်တခုခုကို ကျောင်းဝင်းအတွင်း တက်ရောက်သင်ယူနေသူတွေအတွက် လက်ချာသင်ယူချိန်၊ အုပ်စုဖွဲ့ ဆွေးနွေးဖလှယ်ချိန် စသဖြင့် သီးသန့်ပေးထားလို့ရပါတယ်။ ဒါပေမယ့် အွန်လိုင်းကနေ လေ့လာသင်ယူသူတွေအတွက်တော့ လေ့လာမှုဟာ မိမိဘာသာ ဖတ်ရ မှတ်ရ သိချင်တာတွေကို အီးမေးလ်ကနေ ကျူတာဆီ မေးရ၊ မမေးခင် ကိုယ်ဖတ်ရမယ့် မာတိကာထဲမှာ ပါမပါ စတာတွေ အတွက် အချိန်ကို သေချာဇယားဆွဲထားပြီ မပျက်မကွက် စာဖတ်ဖို့ လိုပါတယ်။ အချိန်ကို တန်ဖိုးရှိစွာ အသုံးချပါ ဆိုတဲ့ စကားစုလေးတွေဟာ အမြဲကြားနေ မြင်နေရလို့ မေ့တတ်ကြသလို စာဖတ်ချိန်တွေကို ပုံမှန်မလုပ်ဖြစ်ခဲ့ဘူးဆိုရင် တကယ်တမ်း အဆိုင်းမန့်လို့ ခေါ်တဲ့ အပတ်စဉ် နားလည်မလည်စစ်ဆေးတဲ့စာ သို့မဟုတ် အက်ဆေး တွေ တင်ရတဲ့အခါ ခြေမကိုင်မိ လက်မကိုင်မိ နဲ့ စိတ်တပူပူ ဖြစ်ကြရပါလိမ့်မယ်။

စာကြွင်း။ ။  အဆိုင်းမန့်တခု ဖုတ်ပူမီးတိုက် တင်ရတိုင်း၊ စာမေးပွဲဖြေရခါနီးတိုင်း စိတ်ဖိစီးရမှုများအား အဆိုင်းမန့်တင်ပြီးသကာလ တပတ်အတွင်း ပုံမှန်လုပ်မည်ဟု ကျိမ်းဝါးတတ်သူများ ဆင်ခြင်နိုင်ဖို့။ :P :P

.... အဆင့်မြင့်ပညာရေး ဆက်လက်သင်ယူရန် စိုင်းပြင်းနေသူများ၊ လူငယ်များအား ကိုယ်တွေ့များအား ပြန်လည် မျှဝေခြင်းသာ။ ..........

မင်္ဂလာနှစ်သစ်မှာ ပြုံးပျော်နိုင်ကြပါစေ။

ကေဇီလင်း
ဇန်န၀ါရီ ၃၊ ၂၀၁၃