သူတို့တွေမှာတောင် အခွင့်အရေးရှိပါတယ်။

ဒီဓါတ်ပုံလေးကတော့ တရုပ်ပြည်က တိရိစ္ဆာန်ဆေးရုံတခုမှာ ကျောက်ကပ်စစ်ဆေးမှု ခံယူနေတဲ့ မျောက်လေးရဲ့ပုံပဲ ဖြစ်ပါတယ်။ (ဘီဘီစီ ဓါတ်ပုံများ (၂၅ စက်တင်ဘာ ၂၀၀၈) ကနေ ကူးယူဖော်ပြထားတာ ဖြစ်ပါတယ်) အဲဒီမျောက်ဟာ တရုပ်ပြည်လုပ် အဆိပ်သင့်မယ်လမင်းပါဝင်တဲ့ နို့မှုန့်တွေကို သောက်သုံးခဲ့မိတဲ့ အတွက် ဖြစ်ပါတယ်။ ထိုင်းနိုင်ငံမှာဆိုရင်လည်း တရုပ်နိုင်ငံလုပ် နို့မှုန့်နဲ့ နို့ပါတဲ့ မုန့်တွေကို မရောင်းဖို့အတွက် တားမြစ်ထားပြီး ဆိုင်တွေကလည်း စတင် ပူးပေါင်းဆောင်ရွက်လျက်ရှိပါတယ်။ အဲဒီနို့မှုန့်တွေ တင်သွင်းခဲ့ဖူးတဲ့ နိုင်ငံတွေမှာဆိုရင် သောက်သုံးခဲ့ဖူးတဲ့ ကလေးတွေ၊ တိရိစ္ဆာန်တွေကိုလည်း ကျန်းမာရေး စစ်ဆေးမှုတွေ၊ ကုသမှုတွေ လုပ်ဆောင်ပေးနေပါတယ်။

ဒါပေမယ့် တရုပ်ထုတ်ကုန်များကို အသုံးများတဲ့ မြန်မာပြည်မှာတော့ တရုပ်ထုတ်နို့မှုန့်တွေကို တင်သွင်းခွင့် ပိတ်ပင်ထားတယ်ဆိုပေမယ့် တင်သွင်းပြီးသား နို့မှုန့်နဲ့ နို့မှုန့်ပါတဲ့ မုန့်တွေကို အာဏာပိုင်ကရော ရောင်းသူတွေကပါ ထပ်မရောင်းဖို့ ပူးပေါင်းလုပ်ဆောင်နေလား၊ မနေလားဆိုတာတော့ မသေချာပါဘူး။ စီးပွားရေးသမားကတော့ ကိုယ်ကျိုးအတွက်ပဲ ကြည့်မှာပါလေ။ သတင်းစာ၊ ရေဒီယိုနဲ့ သိပ်ပြီး ဆက်စပ်မှုမရှိတဲ့ အခြေခံလူတန်းစား တနေ့လုပ်တနေ့စားတွေအတွက်ကတော့ ဒါကို သိချင်မှ သိနိုင်မှာပါ။ အကယ်၍များ အဲဒီလူတွေရဲ့ သားသမီးငယ်လေးတွေသာ တရုပ်နို့မှုန့်တွေကို စားသုံးမိခဲ့ကြမယ်ဆိုရင်… အဲဒီကလေးတွေရဲ့ အနာဂတ်ကတော့ မတွေးဝံ့စရာပါပဲ။ ဘာဖြစ်လို့လဲဆိုတော့ မြန်မာပြည်မှာ ခုနလို (အပေါ်ကပုံလို) ကျန်းမာရေးစစ်ဆေးပေးမှု ခံယူနိုင်ခွင့်တွေ မရှိလို့ပါပဲ။ ရှိခဲ့ရင်လည်း ဒါဟာ လူကုန်တံလူတန်းစားနဲ့ အာဏာပိုင်တွေရဲ့ ဆွေမျိုးသားချင်းတွေလောက်သာ ဂရုစိုက်ခံမှု ရရှိမှာပါ။

အော်…. မြန်မာပြည်မှာ လူဖြစ်ရတာ မျောက်လောက်တောင်မှ မနိမ့်ပါလားနော်။။။

အသက်အငယ်ဆုံး HIV/AIDS အရေးဆောင်ရွက်သူ

ကျမတို့ လူ့အသိုင်းအ၀ိုင်းမှာ အိပ်ခ်ျအိုင်ဗွီပိုး ကူးစက်ခံရပြီ ဆိုရင် လူတွေက ပစ်ပယ်လေ့ရှိပါတယ်။ ကူးစက်ခံထား ရသူကလည်း မိမိမှာ ရောဂါပိုးရှိနေတာကို ကဲ့ရဲ့ခံရမှာ၊ ခွဲခြားဆက်ဆံခံရမှာတွေကြောင့် ဖွင့်မပြောရဲ မဆိုရဲဘဲ နေကြတယ်။ ပိုက်ဆံတတ်နိုင်သူတွေကတော့ ကြိတ်ပြီး ကုသ ကြပါတယ်။ ဆင်းရဲနွမ်းပါးသူတွေကတော့ ဆေးဖိုးဝါးခ မတတ်နိုင်ဘဲ၊ ရောဂါကျွမ်းလာရင် ပြုစုစောင့်ရှောက် ပေးမယ့် လူမရှိဘဲ တရွေ့ရွေ့နဲ့ ၎င်းတို့ အချိန်တွေ ကုန်ဆုံး သွားကြပါတယ်။ ကလေးငယ်တွေကို ဆိုရင်လည်း "သမီးကကျန်းမာရေးမကောင်းဘူး။ သားက ကျန်းမာရေး မကောင်းဘူး။" ဆိုတာလောက်ပဲ ပြောပြီး ရောဂါရဲ့ အခြေအနေမှန်ကို ပြောပြဖို့ အတော်လေးပဲ ၀န်လေးပါတယ်။ ရောဂါအကြောင်းကို သိသွားရင် စိတ်ထိခိုက်သွားမှာ၊ ကျန်းမာရေး အခြေအနေပိုဆိုးလာမှာ၊ အနာဂတ် မျှော်လင့်ချက်တွေ ကင်းမဲ့လာမှာ စသဖြင့် စိုးရိမ်ပူပန်မှုတွေရှိပါတယ်။

ဒါပေမယ့် လက်တင်အမေရိကတိုက်မှာရှိတဲ့ ဟွန်ဒါရာနိုင်ငံက အသက် ၁၂ နှစ်ကျော်အရွယ် မိန်းကလေး ကယ်ရင်ဒန်နာဝေကတော့ သူမရဲ့ မိဘများကိုယ်တိုင်နှင့် သူမမှာ ရောဂါပိုးကူးစက်ခံထားရတဲ့ အကြောင်းကို မိဘများက ပုံဆွဲပြီး ရှင်းပြခဲ့တဲ့အတွက် အသက် ၅ နှစ်ကတည်းက စတင်သိရှိခဲ့ပါတယ်။ ကယ်ရင်ဟာ သူမမှာာ ရောဂါရှိတဲ့ အကြောင်းကို ပွင့်ပွင့်လင်းလင်းပဲ ဖွင့်ပြောခဲ့ပါတယ်။ အဲဒီအချိန်ကတဆိုရင် ကျောင်းက သူငယ်ချင်းတွေက ကယ်ရင်နဲ့ အတူကစားဖို့ ငြင်းပယ်ကြပါတယ်။ အဲဒီအချိန်ကစပြီး ရောဂါ ကူးစက်ခံနေရတာကို ပွင့်ပွင့်လင်းလင်းပြောတာ ပြောင်းလဲမှု ကြီးကြီးမားမား ဖြစ်စေတယ်ဆိုတာ ကယ်ရင် နားလည်ခဲ့တယ်။ ဒါပေမယ့် ကယ်ရင်ဟာ စိတ်ပျက်သွားခြင်းမရှိပါဘူး။ ဒါဟာဆိုရင် မိဘများဟာ သူတို့ကိုယ်တိုင် အိပ်ခ်ျအိုင်ဗွီပိုး ကူးစက်ခံထားရသူများဖြစ်ပေမယ့် ရောဂါကူးစက်ခံထားရသော်လည်း ကျန်းမာသူများကဲ့သို့ လုပ်ဆောင်နိုင်ကြောင်း ပြောပြပေးတဲ့ သူမ မိဘများရဲ့ လမ်းညွှန်ကောင်းမှု၊ အားပေးအားမြောက် ပြုမှုတွေကြောင့်ပဲ ဖြစ်ပါတယ်။ ကယ်ရင်လေးရဲ့ မိဘများက အယ်လ်လာဗွီစီတ လို့ခေါ်တဲ့ မဂ္ဂဇင်းကို ထုတ်ဝေပြီး ကယ်ရင်ဟာ အဲဒီမဂ္ဂဇင်းရဲ့ ကလေးကဏ္ဍမှာ အယ်ဒီတာအဖြစ် ဆောင်ရွက်နေပါတယ်။ ကယ်ရင်ရဲ့ ကလေးမဂ္ဂဇင်းဟာ ဟွန်ဒါရာ နိုင်ငံတလွှားမှာ နှစ်လကိုတကြိမ်ထုတ်ဝေပြီး စောင်ရေ ၁၀၀၀၀ ရောင်းရပါတယ်။

ကယ်ရင် အသက် ၉ နှစ်မှာ အယ်လ်လာဗွီ လှုံ့ဆော်ရေးအဖွဲ့မှာ သူမမိဘတွေနဲ့အတူ ကျောင်းတွေမှာ လိုက်ပြီး စကားပြောခဲ့ပါတယ်။ သုံးနှစ်အတွင်းမှာ နိုင်ငံခြောက်နိုင်ငံကို လှည့်လည်သွားခဲ့ပြီး သူမရဲ့အကြောင်းကို ပြောပြခဲ့တယ်။

၂၀၀၈ ခုနှစ် သြဂုတ် ၃ ရက်နေ့ကနေ ၈ ရက်နေ့အထိ မက္ကစီကိုနိုင်ငံ မက္ကစီကိုမြို့မှာ ၁၇ နှစ်ကြိမ်မြောက် နိုင်ငံတကာ အေအိုင်ဒီအက်စ် ညီလာခံကြီးကို ကျင်းပခဲ့ပါတယ်။ အဲဒီညီလာခံကြီးကို တက်ရောက်ခဲ့တဲ့ ကိုယ်စားလှယ်ပေါင်း ၂၅၀၀၀ ကျော်အနက်က အသက်အငယ်ဆုံး ကိုယ်စားလှယ်ကတော့ ကယ်ရင်ဒန်နာဝေ ပဲ ဖြစ်ပါတယ်။

ကယ်ရင်ဟာ မက္ကစီကန်သမ္မတနဲ့ ကုလသမဂ္ဂ အတွင်းရေးမှူးချုပ် ဘန်ကီမွန်းတို့အပါအ၀င် နိုင်ငံတကာ ကိုယ်စားလှယ်တွေ၊ နိုင်ငံတကာအစိုးရတွေ၊ အိပ်ခ်ျအိုင်ဗွီ အေအိုင်ဒီအက်စ် အရေးလှုပ်ရှားသူတွေ၊ ၂၀၀၈ ခုနှစ်အတွက် ဖဲကြိုးနီဆုရှင် ကိုယ်စားလှယ်တွေနဲ့ အန်ဂျီအိုတွေ တက်ရောက်တဲ့ အဲဒီညီလာခံကြီးမှာ မက္ကစီကန်သမ္မတနှင့် ကုလသမဂ္ဂအတွင်းရေးမှူးချုပ်တိုနဲ့ အတူ ဖွင့်ပွဲမှာ စကားပြောကြားခဲ့ပါတယ်။

အေအိုင်ဒီအက်စ်ညီလာခံကြီး ဖွင့်ပွဲမှာ သူမက "အိပ်ခ်ျအိုင်ဗွီ ပိုးကူးစက်ခံထားရတဲ့ ယောက်ျားလေးတွေ၊ မိန်းကလေးတွေရှိနေပြီး ကျမတို့အားလုံးမှာ ရည်မှန်းချက်ပန်းတိုင်တွေ ရှိပါတယ်။ ပန်းချီဆရာ၊ ကျောင်းဆရာ၊ ဆရာမ၊ ဆရာဝန်စသဖြင့် ဖြစ်ချင်ကြတယ်။ အိမ်ထောင်ရက်သားပြုပြီး ကလေးများလည်း မွေးဖွားချင်ကြတယ်။ ဒါပေမယ့် ကျမတို့ လိုအပ်တဲ့ ဂရုစိုက်ခံရမှု၊ ဆေးဝါးတွေရရှိမှု နဲ့ စာသင်ကျောင်းတွေမှာ စာသင်ကြား ခွင့်ပြုတဲ့အခါမှသာ အဲဒီရည်မှန်းချက်တွေ အောင်အောင်မြင်မြင်ရရှိဖို့ ဖြစ်နိုင်ပါမယ်။ " လို့ ကလေးများရဲ့ ခံစားချက်ကို ထင်သာမြင်သာအောင် မီးမောင်းထိုးပြ ပြောကြားခဲ့ပါတယ်။

၂၀၀၈ ခုနှစ် ကုလသမဂ္ဂ AIDS အစီရင်ခံစာအရ ၂၀၀၇ ခုနှစ်မှာ တကမ္ဘာလုံး အိပ်ခ်ျအိုင်ဗွီပိုးကူးစက်ခံရထားသူ ၄၅ ရာခိုင်နှုန်းဟာ အသက် ၁၅ နှစ်မှ ၂၄ နှစ်အတွင်းရှိ လူငယ်များဖြစ်ပါတယ်။ လက်တင်အမေရိကတိုက်မှာ ဆိုရင် ၂ သန်းနီးပါးရှိတဲ့ လူတွေထဲက ၅၅၀၀၀ ဟာ အသက် ၁၅ နှစ်အောက်ကလေးတွေ ဖြစ်ကြပြီး အများစုဟာ ၎င်းတို့မိခင်ကတဆင့်ကူးစက်ကြခြင်း ဖြစ်ပါတယ်။ ဒေသတွင်းမှာရှိတဲ့ ကိုယ်ဝန် ဆောင်သည်တွေရဲ့ ၃၆ ရာခိုင်နှုန်းကသာ ရောဂါကာကွယ်ဆေးဝါးများ ရရှိကြပါတယ်။

ကယ်ရင်ဟာ အခြားသူများနှင့်မတူဘဲ၊ ခွဲခြားဆက်ဆံခံရမှာ၊ အထင်သေးခံရမှာကို မမှုဘဲ ရောဂါအကြောင်းကို ပွင့်ပွင့်လင်းလင်း ဖွင့်ဟပြောဆိုကာ ထိုအတွက်လည်း စိတ်ဓါတ်ကျဆင်းမနေဘဲ သူမလိုပဲ အခြား ကူးစက်ခံရထားသူများကို ကူညီပေးရေးနှင့် အိပ်ခ်ျအိုင်ဗွီ အေအိုင်ဒီအက်စ် ကာကွယ်တားဆီးရေး၊ ကုသမှုခံယူရနိုင်ရေးအတွက် တက်တက်ကြွကြွ လှုပ်ရှားသူများထဲက ထင်ရှားသူတဦးဖြစ်နေပါတယ်။ ကယ်ရင်ရဲ့ စိတ်ပျက်အားငယ်ခြင်း အလျင်းမရှိဘဲ ဘ၀တူ အိပ်ခ်ျအိုင်ဗွီပိုးကူးစက်ခံရသူများအတွက် လှုပ်ရှားဆောင်ရွက်မှုများ၊ သူမရဲ့ ပွင့်လင်းမှုများ၊ သူမမိဘများရဲ့ အားပေးမှုများဟာ စံနမူနာယူစရာ မကောင်းပေဘူးလား။


Ref: Aljazeera news


ကေဇီလင်း