တောင့်တရသည် အမိရင်ခွင်

ဘလော့ဂ်လာလည်သူများအားလုံး နှစ်သစ်မှာ ပျော်ရွှင်မှု၊ စိတ်ချမ်းမြေ့မှု အပေါင်းနှင့် ပြည့်စုံပါစေလို့ ဆန္ဒပြုပါတယ်။ အနုပညာအရရော ဘလော့ဂ်နည်းပညာအရပါ အားနည်းတာရယ်၊ အကြောင်းကြောင်းတွေကြောင့် မအားလပ်ဖြစ်နေတာရယ်နဲ့ ကျမဘလော့ဂ်လေးမှာ ပို့စ်အသစ်တွေ မတင်နိုင်ခဲ့ဘူး။ ဘလော့ဂ်မိတ်ဆွေတွေက အသိအမှတ်ပြု လာလည်ပေးတဲ့ အတွက် ကျေးဇူးအထူး တင်ပါတယ်။ ကျမကတော့ ကဗျာဆရာမဟုတ်သလို ကဗျာကိုလည်း တခါမှ မရေးခဲ့ဖူးပါဘူး။ ဒါပေမယ့် စာတွေရေးချင်နေပြီး စာပေအနုပညာရှင်တယောက် ဖြစ်ချင်သူပါ။ အမေနဲ့ပတ်သက်တဲ့ ကဗျာလေးကိုတော့ ရေးချင်နေခဲ့တာ ကြာပါပြီ။

-------------

တောင့်တရသည် အမိရင်ခွင်

မပြည့်စုံမှု၊

ဘက်လိုက်မှု၊

နိုင့်ထက်စီးနင်းမှုတွေ

ပြွမ်းတီးနေတဲ့ ဒီခေတ်ဆိုးကြီးထဲမှာ

လောကသခင်က

အမေ့ကို

သမီးဘ၀ထဲကနေ

အပြီးတိုင် ဆွဲခေါ်သွားခဲ့။

လူမှန်းသိတတ်စကတည်းက

အမေ လို့ ခေါ်ခွင့် မရခဲ့တဲ့ သမီး။

အမေ့မေတ္တာဆိုတာ

အေးမြတယ်၊ ငြိမ်းချမ်းတယ်တဲ့။

အမေ့ရင်ခွင်ဟာ

နွေးထွေး လုံခြုံတယ်တဲ့။

စာဖွဲ့သူတွေ အမျိုးမျိုးဖွဲ့သီခဲ့ကြပေမယ့်

ကျမမှာ

အဲသလို

လုံခြုံ နွေးထွေး ချမ်းမြေ့မှုကို

ရခဲ့တဲ့ အတွေ့အကြုံ မရှိခဲ့။

' အမေရယ်

သမီးကို ဘာကြောင့်

တယောက်တည်း

ထားခဲ့ရတာလဲ။'

ခဏခဏ

ကျမကိုကျမ

မေးမိခဲ့။

အမေသာရှိရင်…..

ကျမလည်းပဲ

ဟိုရောက် သည်ရောက်

ဝမ်းရေတထွာ သမုဒရာအတွက်

ရေကြည်ရာ မြက်နုရှာရင်း

တွေ့ကြုံဆုံခဲ့ ဘ၀ မြင်ကွင်းတွေကို

အမေသာ ရှင်းရှင်းလင်းလင်း မြင်ခဲ့ရင်..

အမေဟာ

ကျမဘက်က မားမားရပ်ပြီး

ခုခံ ဖြည့်ဆည်းပေးမယ့်သူဆိုတာ

ကျမ အကြွင်းမဲ့ ယုံကြည်တယ်။

အမှန်တရားနဲ့ အမေ

ဘက်လိုက်မှုကို မနှစ်သက်တဲ့ အမေ

ထက်မြက်တဲ့ အမေဟာ

သမီးအတွက်တော့

ခန့်ညားတဲ့

မဟာတံတိုင်းကြီးပဲပေါ့။

ဒီလိုပါပဲ

ဒီခေတ်မှာ လူဖြစ်ရတဲ့

သမီးတို့တတွေဟာ

ပေဖြစ်တုန်းခံ

တူဖြစ်ရင်နှံ ရတဲ့ ဘ၀မျိုး။

ဘယ်လို

ဒုက္ခ သုခတွေပဲ ကြုံရ ကြုံရ

ကျမ အလိုချင်ဆုံး

အတောင့်တဆုံးက

မိခင်ရဲ့ အေးမြ ရင်ခွင်

နွေးထွေးတဲ့ ရင်ခွင်လေးပါပဲ။

ကေဇီလင်း

၃၁ ဒီဇင်ဘာ ၂၀၀၈။

International Migrant Day- 2008

နိုင်ငံတကာရွှေ့ပြောင်းအလုပ်သမားများနေ့

ဒီလ ၁၈ ရက်နေ့ဟာဆိုရင် ၉ ကြိမ်မြောက်ပြီဖြစ်တဲ့ နိုင်ငံတကာရွှေ့ပြောင်းအလုပ်သမားနေ့ ဖြစ်ပါတယ်။ နိုင်ငံတကာရွှေ့ပြောင်းအလုပ်သမားများနှင့်ပတ်သက်၍ ကမ္ဘာလုံးဆိုင်ရာ ကော်မရှင်က ထုတ်ပြန်ခဲ့တဲ့ ၂၀၀၅ ခုနှစ် အစီရင်ခံစာအရ နိုင်ငံတကာက ရွှေ့ပြောင်း အလုပ်သမား အရေအတွက်ဟာ လွန်ခဲ့တဲ့ နှစ်သုံးဆယ်အတွင်း ၇၅ သန်းကနေ သန်း ၂၀၀ အထိ တိုးတက်များပြားလာခဲ့ပြီး ရွှေ့ပြောင်းအလုပ်သမားတွေကို တမ္ဘာလုံးမှာ တွေ့နေရတယ်လို့ ဆိုပါတယ်။ ထိုအစီရင်ခံစာကပဲ ရွှေ့ပြောင်းနေထိုင်ခြင်းက ဖွံ့ဖြိုးတိုးတက်မှု၊ လူဦးရေစာရင်းကောက်ယူမှုနှင့် ဒီမိုကရက်တစ်နည်းအရမညီမျှမှုတွေကို အရှိန်မြှင့်လာစေတယ်။ သို့သော်လည်းပဲ ရွှေ့ပြောင်းအလုပ်သမားတွေဟာ အရှိန်အဟုန်ကောင်းတဲ့ စီးပွားရေး၊ လူမှုရေး နှင့် နိုင်ငံရေးအားတွေကို မောင်းနှင်နေတဲ့အတွက် အစိုးရများက အသိအမှတ် လုံးဝပြုသင့်တဲ့ အရာလည်း ဖြစ်တယ် လို့ ဆိုပါတယ်။

အဲဒီလို တိုးတက်များပြားလာတဲ့ တကမ္ဘာလုံးရှိ ရွှေ့ပြောင်းအလုပ်သမား၏ အခွင့်အရေးများလေးစားရန်၊ ကာကွယ်ပေးရန်နှင့် ၎င်းတို့၏ ကြိုးပမ်းချက်များကို အသိအမှတ်ပြုသောအားဖြင့် ဒီဇင်ဘာလ ၁၈ ရက်နေ့ကို နိုင်ငံတကာ ရွှေ့ပြောင်းအလုပ်သမားများနေ့ (International Migrant Day) အဖြစ်  ၂၀၀၀ ခုနှစ် ဒီဇင်ဘာလ ၄ ရက်နေ့မှာ ကုလသမဂ္ဂအဖွဲ့ကြီးက ထုတ်ပြန်ကြေညာခဲ့ပါတယ်။

ကုလသမဂ္ဂက နှစ်စဉ်နှစ်တိုင်း အစိုးရများ၊ အဖွဲ့အစည်းများ နှင့် လူပုဂ္ဂိုလ်တဦးချင်းစီအား ဖိတ်ကြားပြီး လူ့အခွင့်အရေးနှင့် ရွှေ့ပြောင်းအလုပ်သမားများ၏ အခြေခံလွတ်လပ်ခွင့်နှင့် ပတ်သက်သော သတင်းအချက်အလက်များ မျှဝေခြင်းနှင့် အတွေ့အကြုံများနှင့် အကာအကွယ်ပေးနိုင်သော လုပ်ဆောင်မည့် အစီအစဉ်များလည်း ဝေငှရန် ဖိတ်ခေါ်ပါတယ်။

အိုင်အိုအမ်က မနေ့က ထုတ်ပြန်ခဲ့တဲ့ သတင်းမှာတော့ ကမ္ဘာ့စီးပွားရေး အကြပ်အတည်းဖြစ်နေချိန်တွင် ရွှေ့ပြောင်းအလုပ်သမားများအား လက်မခံခြင်းမျိုး မပြုဘဲ ၎င်းတို့ဟာ စီးပွားရေးတိုးတက်မှု၊ စီးပွားရေးပြန်လည်နလန်ထစေခြင်းဖြင့် အကောင်းဘက်က လုပ်ဆောင်နိုင်မှုများ ရှိကြောင်းကို နိုင်ငံများအနေဖြင့် အသိအမှတ်ပြုသင့်ကြောင်း ဖော်ပြထားပါတယ်။ စက်မှုထွန်းကားတဲ့နိုင်ငံတွေက နိုင်ငံသားတွေက ထိုအလုပ်တွေကို မလုပ်နိုင် သို့မဟုတ် လုပ်ချင်လေ့မရှိတာကြောင့် ထိုနိုင်ငံအတော်များများအနေနဲ့ ရွှေ့ပြောင်းအလုပ်သမားများကို လိုအပ်နေဆဲ ဖြစ်တယ်။ ၎င်းတို့အား ၀င်ရောက်ခွင့်မပြုခြင်းဟာ လူကုန်ကူးသူတွေ၊ ဖြားယောင်းသွေးဆောင်သူတွေရဲ့ ခေါင်းပုံဖြတ်မှု၊ ချိုးဖောက်ခံရမှုနှင့် အသက်အန္တရာယ်အား ခြိမ်းခြောက်ခြင်းများကို တပတ်ပြန်လည်ဖြစ်ပွားစေရန် တွန်းအားပေးခြင်းသာ ဖြစ်တယ်လို့ အိုင်အိုအမ်ရဲ့ ဒါရိုက်တာချုပ်ဖြစ်သူ ၀ီလီယမ် လေစီ ဆွင်း က ဆိုပါတယ်။

နိုင်ငံတကာရွှေ့ပြောင်းအလုပ်သမားများနေ့အခမ်းအနားကိုလည်း ထိုင်းနိုင်ငံ မဲဆောက်မြို့တွင် ဒီဇင်ဘာလ ၂၁ ရက်တွင် အမှတ်တရ ကျင်းပမည် ဖြစ်သည်။

 

Ref:

IOM News release

http://www.timeanddate.com/holidays/un/international-migrants-day

အမျိုးသမီးများအတွက် လူမှုစောင့်ရှောက်ရေးအဖွဲ့ ဖဲကြိုးနီဆုရရှိ

RFA news 2008-11-30

၂၀၀၄  ခုနှစ်ကတည်းက စတင်ပြီး ကမ္တာ့ ကုလသမဂ္ဂ အဖွဲ့ကြီးပါဝင်တဲ့ အဖွဲ့ပေါင်းစုံကနေ အိပ်ခ်ျအိုင်ဗွီ အေအိုင်ဒီစက်စ် ရောဂါဝေဒနာရှင်တွေကို ကူညီစောင့်ရှောက်ပေးနေတဲ့ အင်ဂျီအို လူမှုအဖွဲ့အစည်းတွေကို ချီးမြှင့်နေတဲ့ ဖဲကြိးနီဆုကို ဒီနှစ်အတွက် အဖွဲ့ပေါင်း ၂၅ ဖွဲ့ကို ချီးမြှင့်ခဲ့ပါတယ်။ အဲဒီအထဲမှာ ထိုင်း၊ မြန်မာနယ်စပ်က Social Action for Women အမျိုးသမီးများအတွက် လူမှုစောင့်ရှောက်ရေး မြန်မာ အဖွဲ့အစည်းလည်း ပါဝင်ပါတယ်။ ဒီ ဆုကို လက်ခံရရှိတာဟာ မြန်မာပြည်က ရောဂါဝေဒနာရှင်တွေမှာ အကူအညီမဲ့နေတာက နိုင်ငံတကာက သိအောင် ဖေါ်ထုတ်ပေးလိုက်တာ ဖြစ်တယ်လို့ အဖွဲ့ကို ဦးစီးတည်ထောင်ခဲ့သူ တဦးဖြစ်တဲ့ ဒေၞအေးအေးမာက ပြောပါတယ်။

အိပ်ခ်ျအိုင်ဗွီ အေအိုင်ဒီစက်စ် ရောဂါဝေဒနာရှင်မျာားကို ကူညီစောင့်ရှောက်ပေးနေသော အစိုးရမဟုတ်သည့် အဖွဲ့အစည်းများကို ကုလသမဂ္ဂ နိုင်ငံတကာမှ ပေးအပ်သော ၂၀၀၈ ခုနှစ် ဖဲကြိုးနီဆုပေးပွဲတွင် မြန်မာအမျိုးသမီးလူမှုစောင့်ရှောက်ရေးအဖွဲ့ SAW မှ ဒေါ်အေးအေးမာ စကားပြောကြားနေပုံ ဖြစ်ပါသည်။ (Photo: RFA)

 

ဒေါ်အေးအေးမာ။       ။ "ဒီဆုကိုပေးခြင်းက မြန်မာနိုင်ငံမှာ အခုဆိုရင် အိပ်ခ်ျအိုင်ဗွီ၊ အေအိုင်ဒီစက်စ် နဲ့ပတ်သက်ပြီးတော့ ပိုများလာတယ်၊ ကုသမှုတွေပို ပြီးတော့ လိုအပ်နေတယ် ဆိုတဲ့အကြောင်း မကြာခင်က MSF က ထုတ်ပြန်တဲ့ စာရင်းဇယားအရလည်း သိရတယ်။ အဲတော့ ဒီလိုမျိုးပေးခြင်းဟာ မြန်မာနိုင်ငံမှာ ပိုပြီးတော့ ဝေဒနာတွေများနေတယ် ဆိုတာ ကိုလည်း မီးမောင်းထိုးပြရာလည်း ရောက်တယ်၊ ဒီလိုပေးခြင်းအားဖြင့် မြန်မာနိုင်ငံမှာ ဝေဒနာရှင်တွေဟာ အကူအညီမဲ့နေတာ ဆိုတာကိုလည်း ပြသရာရောက်တယ်လို့ ကျမအနေနဲ့ ယူဆပါတယ်။"

ဒီဆုကိုပူးတဲလြက်ခံရရှိတဲ့ ထိုင်း အင်ဂျီအို အမျိုးသမီးအဖွဲ့အစည်း Empower အဖွဲ့နဲ့ အမျိုးသမီးများအတွက် လူမှုစောင့်ရှောက်ရေးအဖွဲ့  SAW ကို ဂုဏ်ပြုတဲ့အနေနဲ့ ကျင်းပတဲ့ အခမ်းအနားတခုကို ထိုင်းနိုင်ငံ ဘန်ကောက်မြို့က လူစည်းကားတဲ့ ပန်းခြံတခုမှာ ဒီကနေ့ မနက်ပိုင်းကနေ ညနေပိုင်းအထိ တနေကုန် ကျင်းပခဲ့ပါတယ်။ ဒီအခမ်းအနားမှာ အမျိုးသမီးများအတွက် လူမှုစောင့်ရှောက်ရေးအဖွဲ့ကိုယ်စား ဒေါ်အေးအေးမာက စကားပြောကြားခွင့်ရခဲ့ပါတယ်။ သူတို့အဖွဲ့ရဲ့ ဆောင်ရွက်ချက်တွေနဲ့ ပတ်သက်ပြီး အေးအေးမာက အာအက်ဖ်အေကို အခုလိုရှင်းပြပါတယ်။

ဒေါ်အေးအေးမာ။    ။ "ကျမတို့စောင့်ရှောက်ထားတဲ့ အမျိုးသမီးတွေ ကလေးတွေဆိုရင် သူတို့ ဘယ်ကရောဂါရလာလည်းဆိုရင် မြန်မာပြည် အတွင်းပိုင်းကနေ ရောဂါတွေ ရလာကြတယ်။ တချို့ကလေးတွေဆိုရင် ရောဂါဖြစ်တယ်။ ဒါပေမယ့် မြန်မာပြည်ထဲမှာ သွေးစစ်တာတွေ၊ ကုသတာတွေ မရှိဘူး။ ဆေးပေးတာတွေ မရှိဘူးပေါ့နော်။ အဲလိုမျိုးတွေကြောင့် ဒီထိုင်းနိုင်ငံဖက်ကို ကူးပြီးလာပြတယ်။ လာပြမှ ဒီဖက်မှာရှိတဲ့ မယ်တော်ဆေးခန်းတို့ MSF တို့ရောက်တော့မှ ဒီရောဂါတွေ ကူးစက်နေမှန်းသိရတယ်။ အဲဒီအခါမှာ သူတို့အတွက် ဆေးဝါးလိုအပ်တယ်။ ဒီအေအာဗွီဆေးလိုအပ်တဲ့အခါကျတော့ လစဉ်ပုံမှန် မြန်မာပြည်ထဲမှာလည်း ၀ယ်မတိုက်နိုင်ဘူး။ ဒီကိုလည်း မကြာခဏလာဖို့ လမ်းစရိတ်မရှိဘူး။ အဲဒီအခါမှာ ဒီကလေးတွေ တချို့ဆိုရင် မိဘတွေရှိတယ်။ ဒါပေမယ့် အဲဒီကလေးတွေကို ထားပစ်ခဲ့ရတယ်။ အဲလိုကလေးမျိုးတွေကို ကျမတို့ စောင့်ရှောက်ထားရတယ်။ "

ဒီအခမ်းအနားကို ထိုင်း နိုင်ငံက အိပ်ခ်ျအိုင်ဗွီအေအိုင်အဒီအက် ရောဂါဝေဒနာရှင်တွေ အများအပြားတက်ရောက်ခဲ့ကြပြိး ပျော်ပွဲ ရွှင်ပွဲတွေလည်း ကျင်းပခဲ့တယ်လို့ သိရပါတယ်။