Thursday, July 11, 2013

မယား ၃ ယောက်ရှိသူ

မယား ၃ ယောက်ရှိသူ

June 19, 2013 at 3:37pm
တရက် တက္ကစီစီးတော့ ဈေးအမှန်ဆုံး တောင်းတဲ့ ကားသမားလူကြီးတဦးနဲ့ဆုံတယ်။ သူက ကျမ အရင်စီးနေကျကားတွေထက် ငါးရာကျပ်လျော့တောင်းတယ်။ ဆိုတော့ ကျမစိတ်ထဲ တန်လိုက်တာပေါ့လေ။ (တကယ်က ကိုယ်က အရင်က အမြဲ ပိုတောင်းခံနေခဲ့ရတာ)။

ဆူးလေကနေ အိမ်ပြန်လမ်းတလျှောက် နာရီဝက်ကျော်ကြာခရီးမှာ သူ့ဝင်ငွေ အကြောင်း အလုပ်အကြောင်းကို ပြောပြလာခဲ့တယ်။ သူပြောပြတဲ့ စကားတွေထဲက မှတ်မှတ်ရရ တခုက တက္ကစီမောင်းသမားတယောက်မှာ မိန်းမ ၃ ယောက်ရှိသတဲ့။ စကြားတော့ လန့်သွားတယ်။ များလှချည်လားပေါ့။ ဒါနဲ့ သူ ဆက်ပြောပြတာကိုပဲ နားထောင်နေလိုက်တယ်။

မယားကြီးကတော့ အိမ်မှာနေတဲ့တယောက်ပေါ့တဲ့။ ကားအုံနာက မယားငယ်၊ ဓါတ်ဆီက မယားလတ်တဲ့။ ကားမောင်းသမား အကြောက်ရဆုံးတယောက်က မယားငယ် - သူ့ကိုကျ ပိုက်ဆံတပြားတချပ်မှ မလျော့အောင် အပ်ရတယ်။ သတ်မှတ်သလောက်ပေးရတယ်။ မယားလတ် - ဓါတ်ဆီ - ကျတော့လည်း လုံလောက်အောင် ထဲ့ပေးရတယ်။ ကျန်သလောက် ပိုက်ဆံကတော့ အိမ်က မယားကြီးအတွက်တော့။ အကြီးဆိုတော့ ပါသလောက် ယူ။ အထွန့်တက်လို့မရတဲ့သူတွေပေါ့တဲ့။

သူ့နမူနာကလည်း ဟုတ်သား။။ အဲ့ဒါကြားပြီးတော့ အတွေးတခု-၂ ခု ၀င်လာတယ်။ မိသားစုတွေမှာ အိမ်ရှင်မတွေအတွက် ကိုယ့်ယောက်ျားဆီက လုပ်ခ ၀င်ငွေက အိမ်ထောင်တခုအတွက် မလောက်င ကြတာတွေ တပုံကြီးရှိတယ်။ အဲ့ယောက်ျားတွေမှာလည်း မယားလေးတွေ ဘယ်နှယောက်လောက်တောင် ရှိလိမ့်မလဲ။ ။။။

နောက် မြန်မာ့လူ့အသိုင်းအ၀ိုင်းမှာ မြန်မာအမျိုးသမီးတွေက ကောင်းတဲ့နေရာဖြစ်ဖြစ် ဆိုးတဲ့နေရာဖြစ်ဖြစ် အမြဲပဲ နမူနာအဖြစ် ပြခံကြရတယ်။ အဲလို ပြောမှ ပိုမြင်တတ်ကြလို့လာ။ အမျိုးသမီးဆို သြဇာညောင်းသူ၊ ငွေမက်သူ၊ ကြောက်ရသူအဖြစ် တင်စားကြသလို ပြောသလို လုပ်၊ ပေးသမျှယူ ပြောသမျှယုံတဲ့ သူတွေလို့လည်း နှိမ့်ချ မြင်တဲ့ အမြင်က ခုထိ မပျောက်သေးပါလားလို့။ ။။

(ကျမရဲ့ လူမှုကွန်ရက်စာမျက်နှာမှာ ရေးဖူးတဲ့ notes အား ပြန်ရှဲခြင်းသာ)

No comments: